أتنكر ما بي

واحد فى حياته فيه أذية بس بيكملوا متوقفيش حياتك على شخص ميجزش عليه دلوقتي إل الرحمة أدعي ربنا يغفره و أبدأي حياتك و المرة دي احنا جمبك!
بصيت لملامحها إل خليتني ابتسم تلقائي قد أية شكلها طيبة أوي هى و بنتها.
قربت بنتها نور مني و هى بتحضني و قالتلي
هدمرك زي ما ډمرتي أخويا.
بصيتلها پصدمة و بعد كدة ابتسمتلي تاني بطريقة ألطف
أنت أكيد واحدة مننا!
لفت تمشي بس أتكلمت
قصدك أية أني ډمرت أخوك و بعدين أخوك مين
مامتها بصيت ليها بإستغراب و جات تتكلم بس الباب أتفتح و دخل مراد فضل شوية واقف هادي و لقيت نور جريت عليه و هى بتحضنه بس فى حاجة ..قلبي وجعني لية
لقيته بص ناحيتي و هو بيقول
احم ..دة أكل ليك أكيد ما كلتيش بقالك كتير!
و اة ..دي نور أختي و أنا أبقى مراد ابن عمك!
أية
قعدت أقولك عاوزك 10 دقايق و كنت هحكي ليك بس ..شكلك حسبتيني بعاكس!
هزت رأسي بإحراج
احم...كنت بحسبك كدة! 
بس لما أفتكرت نانا و أنه السبب فى تأخيري عليها
أعتقد وجودك ملهوش فايدة و خصوصا بعد إل عملته
لقيت والدته بصيت لي بإستغراب فأتكلمت بسخرية
خلي الأستاذ شهم يبقى يقولك و لو سمحتوا أتفضلوا عشان أشوف حاجاتي و أروح!
طلعوا كلهم من الأوضة و أنا لمېت حاجاتي و طلعت عشان أروح بس لقيته بره اتجاهلته خالص.
على فكرة أنا واقف مستنيك.
لفيتله ببرود
محدش قالك توقف!
نفسي أفهم عملت أية عشان دة كله
وقفت مكاني و أنا ماسكة إيدي عشان أتكلمش بصوت عالي و أنفجر
أمشي!
بصلي بعند
لا أنا عايز أعرف
قولت أمشي!
أتكلم بصوت عالي 
أمشي لية أنا معملتش حاجة عشان أخد المعاملة دي منك أنت كسرتيني ...
قطعته
كسرتك
أيوة...كسرتيني لما أتعلقت بيك و حبيتك و كلمت باباك و خلاني أخش طب و بعد كدة كسرت قلبي بعد ما بعتي الرسالة مع باباك.
عليت صوتي
أنت بتقول أية يا عم أنت رسالة أية و قلب أية إل أتكسر هو أنا أعرفك أصل!
و بعدين أنت عايز أية مني! عايز تدمرني كمان ما كفاية ټدمير لحد كدة!
أنا صدقت لقيت إنسان كويس يحبني بعد عني بسببك!
أنا مكنش ليا ذنب
أنفعلت و صوتي علي أكتر و أنا بعيط
لا كان ليك ذنب! كان ليك! قولتلك سيبني بس كنت بترخم!
قولتلك بالذوق أبعد مرضتش
كنت ممكن ألحقها قبل ما تروح مني بس أنت ...أنت السبب.
عارف ..كلكم زي بعض كلكم نفس الشكل و الصنف كلكم بتوهمونوا أنكم كويسين و بتطلعوا .....أمشي يا مراد أمشي و متورينيش وشك تاني
عشان لو شوفتوا ھموت ھموت بجد!
و الڼار إل جوايا مش هتهدى من ناحيتك!
أمشي يا مراد !
أمشي و أبعد عن حياتي عشان أنت نهيتها
لقيته ضحك بسخرية و أتكلم
و أنت أية!
ها ...ردي! أنت ملاك مثلا! 
أنت دمرتيني زي ما فى اعتقادك أني دمرتك محدش قالك تعبت ازاي عشان أحاول أوصلك
محدش قالك سهرت قد أية عشان بس أجيب طب
محدش قالك أكيد
عارفة لية عشان أنانية
أنت أنانية يا علياء طول عمرك عمرك ما عرفتي أصلا يعني أية حب
طول عمرك عايشة فى كره و أكبر غلطة فى حياتي أني حبيتك
بس المرة دي هنهي حبك بسهولة من حياتي.
بصيتله پصدمة و قلبي دق جامد لما شوفت ....حااااااااسب.
مرااااااااااد ...لا . 

زقيته لما لقيت عربية بتقرب منه...و وقعنا احنا الأتنين
اة...ظهري!
كله بسببك!
أنت السبب
اتنهد و هو بيبصلي
مش هيفرق فى حاجة مين السبب دلوقتي