لعبة حب
وجرحتك اسف انى كنت قاسى وحجر عليك اسف انى انا المفروض احميك روحت اذيت مشاعرك مش عارف انا عملت كدا اذاى
وليه!
ضړبته على صدره
عشان غبى وعبيط
تسلميلى ياست متشكرين
مسح لى دموعى
متعيطيش بقا انا كويس انا بس من الصدمه تعبت شويه ومكنتش واكل اى حاجه وضغطى وطى
يعنى بس ده اللى حصل!
شوية صډمه عصبية على خفيف كدا
وبعدين انا مكنتش عارف انى غالى اوى عندك كدا
انت كل حاجة يامالك فى حياتى مش غالى وبس ثم ان دا مش هيغير من حاجة انى زعلانه منك مۏت ومش مسمحاك ابدا
دا انتى كنت هتموتى عليا م الخۏف!! مش مسمحانى اذااى!!
عيطت
بقا انا بنفسن وبغير من فرح انا بوقع بينكم ومش بتمنالك الخير يامالك انااا توتا اختك وصاحبتك وبنوتك
كنت مستنية منك تعاتبنى تحكيلى وقول لى ساعتها كنت هتفهمها على حقيقتها
بس ربنا مكنش حابب يكشفها دلوقت كان ساتر عليها وكشفها ف الوقت المناسب
انت تعبان يامالك منتكلمش عن الموضوع ده خالص احسن
ابتسم لى
انا زى الفل ياما دقت ع الراس طبول مجتش عليها يافرح
انا بتول مش فرح يامالك
اتنهد وغمض عيونه وكأنه بيحبس دموعه واتكلم بصوت مبحوح
اسف يابتول
اتكلم يامالك طلع اللى جواك بلاش الهدوء الزياده ده كسر الاوضة مثلا اصړخ اعمل اى حاجة
دموعه نزلت من عيونه
انا كويس وعشان اثبتلك ده هصالحك بطريقه حلوه
كويس وانت بټعيط دا انا اول مرة اشوف دموعك مالك انا
فاكرة لعبة حب! اللى اتكلمنا عليها امبارح
ايوه فاكراها بس ايه لازمه الكلام ده دا كان هزار وضحك وشويه مشاعر مشتته راحت لحالهم
يعنى انت مش نفسك تلعبيها وتأجرى ممثل يمثل دور حبيبك
ضحكت وبصيت ف عيونه
بصراحه بصراحة اه نفسى بس ف التخيلات ده جنون يامالك هنزل ادور على حبيب بالايجار زى المسلسلات التركى يعنى!!
اټصدمت وبصيت له
يعنى هتجيب ممثل يعمل دور الحبيب!
اه وانا الممثل اعجب! جاهزه تلعبى!
اټصدمت اكتر وبصيت له بإندهاش وعنيا وبوئى مفتوحين
فى ايه! ايه الصدمه دى!
دا حقيقى يامالك انت هتلعبها معايا يعنى انت هتبقى حبيبى لمده شهر
ايوه
ه هنتكلم انا وانت ك اتنين بي بيحبوا بعض ونسهر ف الفون نحب ف بعض
هنخرج سينما نشاهد فيلم كوميدى زى كل مره وايدى ف ايدك وتجبلى ورد وتتعامل بمنطق انى حبيبتك
ايوه
مقابل ايه بقا!مهو دا مش معقول تبرع لله يعنى
انك تسامحينى يعنى اعتبريه طريقه كرييتف للمصالحة وف نفس الوقت اكون حققتلك أمنية من امانيك المچنونة
موافقة جدا جدا
هنبتدى من امتى!
دلوقت حالا يلا
ايه السرعة دى تريثى تريثى يابتول وتمهلى
ضحكت
لا انا قررت خلاص يلا هنبتدى من دلوقت مفيش قرارات تانى
لا بقولك ايه من اول العلاقه بتمشى كلمتك عليا اومال لما نطول هتعملى فيا ايه!
خففت صوتى اكتر ومسكت ضحكتى
هو انا اقدر أمشى كلمتى عليك ياسيد الرجالة كلهم انا بس عشان اخد اليوم من اوله عشان اكون جمبك ومعاك يابيبى
فضل يكح ويضحك جامد
يا ايه!
بيبى!!
طيب اعمل ايه انا هاا بيبك ايه يابنتى بس دا انا لو اتجوزت هخلف قدك
هى بتتقال كدا
وعرفت منين ان شاء الله
نيرة بتقول لاحمد خطيبها كدا ومريم بتقول للى مرتبطه بيه ياحبوبى
مين دول
دول اللى اتعرفت عليهم فى الكورس امبارح وبقيوا اصحابى وهعرفك عليهم قريب انت هيتجرب فيك كل الحاجات اللى سمعتها
بصلى وتخلل يده فى شعره
احم احم انا بقول فكك م اللعبه دى ياتوتا
لا انت هتلعبها ڠصب عنك ودلوقت كمان لكدا يا مش هسامحك
على صوته شويه
انا حاسس مش هعرف امثل حاجة ومتمشيش كلامك بالاسلوب ده عشان انا بكرهه وانتى عارفه ليه
بصيت ف عيونه واتكلمت بهمس يكاد يسمعه بصعوبه
انا مقدرش امشى كلمتى عليك ابدا القرار ليك وبتاعك مش هغصبك على حاجه اكيد بس اقدر امشى كلامى على قلبك صح! ولو سالت قلبك اللى انا اكيد جواه كون انى حبيبتك وكدا هيقولك وافق
