سر اللوحة
بالظبط اول ما شوفتها اټخضيت و لقيت نفسي برمي الكتاب على الأرض .. مسكت قلبي وانا حاسس و سامع دقاته الي كانت عامله زي قطر بيخبط في القضبان ..تمالكت اعصابي تاني و انا إيدي بتترعش وقربت من الكتاب مسكته
بس المره ديه غمضت عيني لحد ما تخطيت الصفحة الي فيها العين و قلبت علي الي بعدها عشان ألاقي قدامي اللوحة مكتملة جواها الرسمة و تحت في اخر الإطار العين بتبص ليا و بتتحرك ..ومكتوب المره ديه كلام بالعربي تحتها
يا روح الظلام المستقرة في الظلال يا من تسكن في طيات الليل وتراقب دون نوم اقترن بي بقوتك وافتح لي الأسرار الأبدية. احكم قبضتك على روحي وكن دليلي بين الأحياء والأموات. دع بصيرتك تكشف لي المستتر وقوتك تخلدني في الظلمات
دا نفس الكلام الي كنت بسمعه بصوت مرعب في الحلم ايوة الحلم الي كنت بحلمه انا و أهلي كلهم .. بس في نهايته مكتوب جملة بي خط احمر زي ما يكون د م متغلغل جوا الخط حاجة اشبه بالعروق ايوة هي العروق المخيفة الي بشوفها بارزة من العين
جملة بتقولالعين التي لا تنام
مجرد ما خلصت قرأة المكتوب حسيت بهوا ساقع زي التلج بيعدي ما بين رجلي لقيت جسمي قشعر وغمضت عيني وكلبشت في نفسي عشان بعدها اتلاقي حاجة خبطت في ضهري زي الجبل لقيت نفسي بطير لزقت في الحيطة الناحية التانية ..ويبدأ بعدها الد م الدافي يغرف وشي ..
جسمي كان بيتنفض وانا مرمي على وشي مش قادر اتحرك مش قادر حتي ارفع عيني اشوف مين إلي في المكان عشان يبدأ بعدها صوت يتكلم في ودني.. انا عارف الصوت دا كويس هو نفس الصوت الي كان بيتكلم في الحلم صوت بش..ع ومرعب
ايها الباحث عن الأسرار..
ظننت أن اللوحة بلا روح
لكنها نبض الليل وصړخة الرياح
هي عين لا تغلق وسر لا يباح..
الصوت اختفي لي ثواني هدوء تام مش حاسس بي أي حاجة بس انا لسه مش قادر ارفع دماغي من على الأرض ..عشان يرجع يتكلم تاني بطريقة اپشع
ايا من أيقظت العتمة في بيتي
ما من سبيل للهرب من طريقي
ستبقى مراقبا حتى لو أغلقت عينيك
أنا الهمسة التي ستطارد سكونك
دي اخر حاجة سمعتها عشان افقد بعدها الوعي ومحسش بأي حاجة حواليا انا مش عارف دا مجرد فقدان للوعي ولا خلاص ودعت الدنيا
بعد فترة مش قصيرة بدأت أفتح عيني و أستعيد الوعي مرة تانية الد م كان ناشف و متجلط على وشي ودا يدل ان بقالي فترة كبيرة فاقد الوعي حاولت أقوم بس حاسس بۏجع في جسمي كله دوخة وتنميل في الاطراف و ورم في وشي من الخبطة انا لبست في الحيطة بقوة دفع كبيرة جدا زي
