داليدا
انت في الصفحة 1 من 11 صفحات
أنت فين.. لسة نايم قوم في مهمة جديدة فوق كدا وصحصح وأفتح الأيميل هتلاقي كل التفاصيل ضروري متسبش آثر فيها
خرج صوته أجش أثر النوم ومن أمتى بسيب أثر
دي مختلفة عن كل مرة دي فيها ډم
صوته جه بنبرة مختلفة حادة ډم! أنت عارفة ردي كويس في الموضوع دا ألغيها
أعتقد لو سمعت السعر هتغير رأيك
10 مليون
جنية أجيبهم في مهمتين عادي
دولار
....
سعر يخض صح وبعدين الضحېة ضعيفة مش هتقاوم ومش معروفة علشان تعمل ضجة يعني خلص عليها بدري بدري ومتقلقش
ولما هي كدا عايزين يخلصوا منها لية
ومن أمتى بنسأل زبونا!
أتنهد سيبيني أفكر
جي.. مفيش وقت للتفكير اه أو لا
اه..
صورو لبنت قاعدة على كرسي متحرك سرحانة وباصة للسماء بأبتسامة البنت جميلة وهيئتها ملائيكية لدرجة إنه أخد أكتر من دقيقة علشان يتأملها مش علشان يحفظ ملامحها زي العادة..
الأسم داليدا بكري عراف
المطلوبدون ترك أثر
تعاني الضحېة من رهاب الظلام.. تخاف من الأصوات العالية الأضواء الحمراء الشديدة تصيبها بعمى لحظي
خرج صوت من الشاشة اللي قدامه ثم ظهر صوت
ها التنفيذ أمتى
اية الاستعجال دا كله
البيت فاضي لمدة تلت أيام لازم نستغلهم
مين دي
ما المعلومات في أيدك
أتنهدت البنت دي وريثة بكري عراف صاحب أمبراطورية عراف للصناعات المختلفة وأمها كانت مترشحة علشان تكون عضو الحزب المعارض ماتوا في حاډثة عربية زي ما معروف وحاليا زي ما أنت شايف.. جه دورها
اا..
متسألش تاني عم البنت والوصي عليها مسافر تلت أيام دبي علشان عنده شغل هناك وأسرته مسافرة الجونة تصيف هي بس اللي في البيت والمساعدة بتاعتها الطباخين والشغالين بيخلصوا شغلهم ويمشوا على تمانية والحرس بيبقوا في حدود عشرين او خمسة وعشرين واحد..
هتنفذ أمتى
أنهاردة بالليل
بعد منتصف الليل
ظهر جي بملابسه المتخفية بنطلوب أسود وهودي أسود رافع غطاه على راسه لابس نضارة سودة كان واقف على سطح البيت بص حواليه بيعاين المكان ضغط على زر في سماعته اللي على ودانه
مقولتليش الحرس دول اموتهم ولا أفلت منهم بس
لو هيعيقوك أخلص منهم
لا كدا سعر مختلف كدا هشيل ذنب ناس كتير فلازم فلوس أكتر علشان ضميري
قالها بأستهزاء قبل ما يقفل التواصل معها ويبص حواليه تاني قبل ما يبص لشبابيك البيت حواليه والبلكونات ويلمح واحدة فيهم مفتوحة نط بمهارة من الدور الرابع للأول ودخل البلكونة فتح الباب وطلع وبدأ يمشي في البيت بحرص
كان البيت كله ضلمة إلا الدور الأخير طلع لحد ما وصل لأوضة فيه وسمع صوت همهمة فيها قرب منها
لا انا مش هسيبك افرضي حلمتي بكابوس تاني
متقلقيش والله انا كويسة ولو حصل حاجة هناديك
بتردد متأكدة يابنتي
اه يلا روحي نامي
سمع صوت بيقرب من الباب فأستخبى بسرعة شوية وخرج ست في الخمسينات ودخلت اوضة تبعد عن اوضة داليدا بأوضتين
بص من الباب اللي مقفلتوش الدادة كويس بحذر لمح داليدا نايمة على السرير وبتبص لفوق بسرحان ومبتسمة الاوضة حواليها منورة كلها.. فتح الجهاز علشان يظهر صوت الست..
ها أقفلك النور
ا.. استني
أمرها تقف وعيونه بتتابع داايدا وهو مش قادر يبعد عينه عنها بلع ريقه بصعوبة بعد عن الباب وسند على الحيطة جنبه يتنفس بصعوبة في حاجة بتمنعه لا.. هو مش ملاك وكان عارف انه هيوصل للمرحلة دي في يوم ومستعد ليها كويس لو اي حد مكانها مكنش هيتردد لحظة
لكنه..
أستجمع نفسه وقوته قال بصوت جامد اقفلي
فجأة النور طفى في أوضتها حاولت تعتدل بخضة بس فشلت همست بړعب دادة..
حست بأيد على بوقها أشش
حس فورا بدموعها على أيده ورعشتها بين ايديه انت مين متأذينيش أرجوك متأذينيش
فات الآوان
قالها وهو بيحكم على قفل بوقها بأيده والأيد التانية بيطلع منها حقنة ويقربها من رقبتها
متقلقيش هي مشافتنيش
أتنهدت بضيق طيب والحل دلوقتي المهمة هتصعب علينا أكيد هيشددوا الحراسة
ومين قالك إني هنفذ المهمة!
يعني اية
يعني الغيها ورجعيلهم العربون
انت بتقول اية!
جي وعيونه مركزة على صورة في
