جميلة و لكن
ممكن اكون ملبوسه وان ياسر قد ايه اتعذب معايا ومشفش يوم حلو معايا
انا سمعت كلامها مع ماما ومعرفتش ارد ولا ادافع عن نفسي كل اللي كنت بفكر فيه ازاي كده.....
هو ممكن يكون في ناس كده بيقلبوا الحقايق ويكدبوا بالشكل ده
ماما قالتلها خلاص زي ما دخلنا بالمعروف نخرج بالمعروف
وفعلا أطلقت.......
وفي الكليه مقلتش لحد اني كنت متجوزه
وبعد سنتين لقيت واحد زميلي في الكليه بيطلب انه يجي البيت يتقدملي......
هو شاب محترم وشكله مؤدب وكان بيطلع الأول على الدفعه بس هو ميعرفش حكايتي وكمان انا مش حقدر احب تاني قلبي مبقاش حمل حب وۏجع تاني
وفي عز ما انا بفكر أوافق على العريس ولا لا رن تلفوني.....
رديت على التليفون........
لقيت ياسر بيقولي سامحيني يا جميله ارجوكي تسمعيني انا مش عارف اعيش من غيرك
انا مردتش بكلمه واحده قفلت التليفون وقعدت اعيط
رحت تاني يوم الكليه وقابلت إيهاب وحكتله على كل حاجه وقلتله قد ايه انا اتعذبت
لقيته بيقولي انه وعمره ما حيتخلي عني وانه حيعوضني كل اللي انا شفته وقاسيته مع ياسر
ولقتني برد على نفسي وبقول فيها ايه ما انا حبيت قبل كده وايه اللي حصل كانت اسوء تجربه ممكن اي بنت تمر بيها
دخلت على ماما وقلت أحكلها على إيهاب
_ بجد يا جميله يارب يا بنتي يعوضك ويسعدك وتبدئي حياه جديده مع واحد ابن حلال يصونك
_ وايه يعني يا حبيبتي ما احنا خدنا اللي عنده شقه ومستقبله مضمون عمل ايه يعني
_ خلاص يا ماما ملهوش لازمه الكلام ده
_ ربنا يكتبلك كل الخير يا بنتي
قمت ودخلت اذاكر في اوضتي لقيت نفس النمره اللي كلمني منها ياسر كنسلت طبعا ورحت متصله بايهاب كأني بهرب من ياسر في اني إيهاب اكتر
_ انا مش مصدق نفسي انك بتكلميني
_ انا مخنوقه
_مالك بس يا جميله فضفضي
_ مش عارفه بس حاسه اني عاوزه اعيط انا مش عارفه ليه انا تايهه كده
_ ده طبيعي بعد كل اللي مريتي بيه بس لازم تنسى بقى وتبدئى حياه جديده
جميله انا بحبك بحبك من اول لحظه شفتك فيها
_ انا مش بحب الكلام ده
_ انا اسف لو ضايقتك بس مش قادر اخبي مشاعري انتي بقيتي كل حاجه بالنسبه لي واوعدك اني حشتغل ليل ونهار علشان ااقرب المسافه اللي بنا
قفلت السكه مع إيهاب وانا مضايقه مع انه انسان رقيق وطيب هو انا ليه بقيت كده هو انا مش حعرف احب تاني خلاص صديت من جوا من كتر الۏجع
بصيت على التليفون في أيدي لقيت رساله من ياسر بيقولي فيها.......
جميله انا عارف اني ظلمتك بس ربنا انتقم مني انا محتاجك يا جميله ومش حقدر اعدي اللي انا فيه من غيرك
انا عمري ما حبيت ولا ححب حد غيرك.... بحبك
قريت الرساله ويارتني ما قرتها دخلت في دوامه ومقارانات وافتكرت كل الحاجات الحلوه اللي كانت بنا وافتكرت
