صداقة و جواز

انتى كنتى هتعطى رقمك لشريف!
نهلة بجمود ايوة 
اسلام وهو بيشدد من قبضة ايده واحنا مش قولنا مينفعش تعطى رقمك لشباب 
نهلة ايوة بس شريف محترم ونعرفه من زمان وكمان ناوى يتقدملى فين المشكلة!
اسلام والله بجد وانتى موافقة ع كده!
نهلة وارفض ليه انا عندى ٢٦ سنة واصحابى كلهم اتجوزوا وعملوا بيت واسرة هفضل لحد امتى ارفض واكابر وعشان ايه اصلا عشان حد مش حاسس بيا 
اسلام والله ده كلامك دلوقتى بس ده مكنش اتفاقنا
نهلة اتفاق ايه
اسلام عقد البيست فريند اللى مضينا عليه ولا نستيه!
نهلة بضحك لا منسيتهوش بس الواقع يختلف عن العقد يا غالى 
اسلام حلو يعنى انتى موافقة ع شريف
نهلة احتمال لو اتفاهمنا هوافق
اسلام وانا مش هخلى الموضوع ده يكمل يا نهلة والاحسن ليكى متعانديش لانك عارفة كويس انا ممكن اعمل ايه 
نهلة بصړيخ انت ايه يا اخى انت لا منك ولا كفاية شرك انا مبقتش فاهمة حاجة انا مين ولا انا بالنسبة ليك ايه
اسلام انتى البيست فريند بتاعتى
نهلة بتهكم بيست فريند يعنى صاحبتك مش حبيبتك يعنى انت هتكون لغيرى وانا لغيرك واظن ان من حقى اعيش حياتى وافوق لنفسى بدل ما اضيع من عمرى سنين تانيين واطلع لوحدى خسرانة
اسلام يعنى ايه!
نهلة يعنى من النهاردة احنا اصحاب وبس حدودك معايا انك صاحبى ملكش حق تقولى البسى ده وده لا حطى ده وده لا كلمى ده وده لا هتخرجى او لا يعنى ملكش اى حقوق عليا وبالنسبة لشريف انا هعطيله فرصة 
اسلام قصدك هتاخديه سد خانة
نهلة سد خانة لمين معليش! الكلام ده لو حكايتى كان فيها طرف تانى بس انا كنت لوحدى بحارب فى علاقة فاشلة ومېتة اصلا فازاى هيبقى سد خانة
اسلام پغضب الاحسن ننهى الكلام لحد كده لان احنا متعصبين ولو اخدنا ع كلام بعض دلوقتى هنخسر بعض 
نهلة وعشان منوصلش للخسارة دى الاحسن ان كل واحد يخليه فى حاله 
اسلام نهلة انتى.............
نهلة مقاطعة لو سمحت كفاية لحد كده وبعد اذنك روحنى عشان الوقت متأخر 
اسلام تمام 
ركبوا العربية ووصلها لحد البيت نزلت من غير ولا كلمة وجريت طلعت ع شقتها وحمدت ربنا ان امها نايمة دخلت ع اوضتها واڼفجرت بالعياط وفضلت ع الحال ده لحد ما نامت
فى اليوم التالى راحت نهلة ع الاتليه وكانت سرحانة وتايهة واتعصبت ع واحدة من الزبائن 
منة صاحبتها للزبونة انا اسفة جدا حضرتك هى متقصدش
الزبونة پغضب ولا تقصد مش هتفرق اصلا انا ميشرفنيش اتعامل مع واحدة زيها 
مشيت الزبونة وراحت منة لنهلة فى ايه يا بنتى مالك النهاردة
نهلة بعياط تعبانة يا منة وزهقانة ومبقتش فاهمة اى حاجة من اللى بتحصلى انا تعبت
منة اهدى بس وفهمينى فى ايه
نهلة اسلام هيجننى خلاص انا مبقتش فاهمة هو عاوز منى ايه اوقات بحس انى اهمه واوقات بحس انى مش ف دماغه اصلا انا تعبت
منة طب ومسألتهوش ليه
نهلة كل مرة بسأله بيرد نفس الرد انتى البيست فريند 
منة يبقى خلاص بما انه مش حاسس بيكى وبحبك ده يبقى ميستاهلكيش صونى قلبك ووفرى حبك ده للى يستاهله 
نهلة قصدك ايه!
منة قصدى انك تنسى اسلام ده خالص وتعطى فرصة لشريف واطلبى منه يتقدملك انا واثقة انك لما تعرفى شريف كويس هتحبيه 
نهلة وانتى جايبة الثقة دى كلها منين
منة عشان حساكى لايقة ع شريف اكتر وانكم ثنائى متفاهم 
نهلة دماغى ھتنفجر من كتر التفكير خلاص ھموت 
منة هقولك ع حاجة حلوة صلى استخارة وخدى قرارك النهائى اللى يدلك عليه قلبك اعمليه
نهلة حاضر انا هقوم اروح حاسة انى تعبانة اوى 
منة