لعبة القدر

الضجر أيوة أنا وحضرتك بقه تبقى مين
فأجابتها بمرح أنا نوران بنت خالت شهاب
وفاجأة تأوه شهاب ففزع اليه الجميع
شربفة فى أيه يا شهاب مالك
مفيش يا ماما بس نسيت وحركت دراعى فاجأة
طيب يا حبيبى اطلع ارتاح فى أوضتك أحسن
طيب
فأسرعت اليه نوران قائلة تعالى تعالى اتسند عليا انا حطلعك اوضتك عشان اقعد ارغى معاك شوية عندى حوديت كتيييير وعوزة اسمع منك بقه الحكاية بالتفصيل لان راضية قالتلى العناوين بس
فضحك شهاب ضحكه عاليه وهو يقول طب يلا بينا نرغى زى زمان
ووضع يده حول كتفها ولفت هى يدها حول خصره وسارا معا وهما يتضاحكان ولم ينتبها للعين التى ترصدهما
رهف طب ياماما انا حطلع اطمن على الولاد وغير هدومى
شريفة طيب يا حببتى وياريت ترتاحى شوية انتى بقالك كام يوم فى تعب سفر ومستشفى ولما يرجع رشدى من الشركة حبقه اقولك
حاضر يا ماما وياريت حضرتك كمان تطلعى ترتاحى فى اوضتك
لا انا الحمد لله بعد ما اطمنت على ولاد شريف وشهاب وانكم كلكم بخير بقيت كويسه.
طب الحمد لله
صعدت رهف على الفور وعند مرورها من أمام حجرة شهاب سمعت ضحكاتهم فلم تدرى لما شعرت بالضيق الشديد
مرت سريعا على غرفة الاولد واطمئنت عليهم ثم ذهبت الى حجرتها لترتاح بعض الوقت
قولى بقه يا بوب ايه حكاية يسرا دى وعملت معاك كده ليه
بصى يا ستى .........قص شهاب عليها كل ماحدث فقالت بشهقه ايه ده يعنى رهف مراتك أمال عرفتونى عليها ليه على إنها مرات شريف
أيوة ياستى هما لحد دلوقتى بيعرفوا اى حد عليها على انها مرات شريف محدش معترف بحكاية جوازى منها حتى هى نفسها
ومالك بتقولها بزعل كده ثم أكملت بخبث بوب هى أيه الحكاية بالظبط
حكاية غريبة جدا يا نور لو حتهالك مش حتصدقى هى كمان لما حكتهالها ماصدقتنيش
هو فى حكاية تانية كمان طب احكهالى الله يخليك انت عارفنى بمۏت فى الحوديت خصوصا لو كانت ما تتصدقش كده زى ما بتقول
بصى حكاية رهف بدئت معايا بحلم و................قص شهاب لنوران كل شىء
بشهقه اكبر من سابقتها قالت نوران أيه دا يا بوب معقول دا ولا الافلام الهندى
انتى حتعملى زى حازم انتى كمان
ماهى حاجة ماتتصدقش فعلا معقول كنت بتحلم برهف قبل ما تشوفها وتتجوزها من غير ما تعرف دى حاجة تجن الجن يا جدع
امال انا اقول ايه
بس استنى هنا يعنى انت بجد بجد بتحبها
اوى اوى بس هى ولاهى هنا وانا ولا على بالها نهائى مش بتفكر ولا عايشة الا على حب وذكريات شريف شريف وبس
فسرحت قليلا فى نظرات رهف لها منذ دخولها
شهاب ايه روحتى فين ياختى وسيبانى اهاتى مع نفسى
اقولك حاجة وتصدقنى
قولى
رهف كمان مياله ليك بس يمكن هى زى ما انت بتقول كده عايشة فى ذكريات شريف وده مش مخليها تاخد بالها من مشاعرها تجاهك ولا مشاعرك انت كمان ليها
يسلاااااام وجبتى الكلام ده منين يا أم العريف
من نظرتها ليا أول لما دخلت أنت وأنا قومت أخدتك بالحضن وسندتك عشان تقعد ولما كمان جيت عشان اطلعك حستها متضايقة
فنتبه لها جيدا محدثا ايها انتى بتتكلمى جد يا نور
صدقنى يابنى ثم اكملت بثقه لا تعرف مشاعر الانثى الحقيقية غير الانثى اللى زيها
ماشى ياختى واستفدت ايه انا برضو كده ماهى حتفكر ان فى حاجة بينى وبينك والموضوع حيبوظ أكتر
بالعكس دا حيتظبط
حيتظبط دا حيطين
فاڼفجرت نوران فى الضحك لسه دمك شربات يا بوب زى ما أنت خلينا فى المهم مش لازم رهف تعرف اننا اخوات ابدا فاهم خليها كده عرفه اننا ولاد خاله وبس وسيب الباقى عليا
ما ماما اكيد زمانها قالتلها
يالهوى اه صحيح دا احنا سبناهم سوا وطلعنا ياسنة سوخة طب انا حروح أتاكد بسرعة من الموضوع ده لحسن كده تبقه كل حاجة باظت
وهبت على الفور تجرى مثل الاطفال
هبله وحتفضلى هبله طول عمرك يا نوران مش حتعقلى أبدا بس لو كلامك فعلا صح والموضوع اتظبط دا انا كنت أطير من الفرح
خالتوا خالتوا
أيه يانور فى حد يدخل على حد أوضته بالطريقة دى
مش وقته مش وقته الكلام ده هو انتى قولتى لرهف أنى انا وشهاب أخوات فى الرضاعة
لا رهف طلعت وراكوا على طول ملحقناش نتكلم
فأخذت نوران نفس عميق وهى تقول الحمد لله
بتسألى ليه
لا