دق قلبي
تخلصى شغلك فيهم فاهمه يا انسه ليان
نبرته كانت عاليه وطريقته معجبتنيش منك لله يا رقيه الكلب ايدا ثانيه هو عارف اسمى منين أصلا
ولو برضو معرفته لاسمى مش هتشفعلو على صوته العالى ده
_انا مش فاهمه حضرتك بتتكلم معايا ليه كده ده شغل ولازم يتسلم بكرا وكان كتير ومحتاج دقه على العموم مفهوم حضرتم
خلصت كلامى وكان الاسانسير وصل طلعت منه بعصبيه يعنى اول مره اتكلم معاه كلمتين على بعض يزعقلى
مديت شويه على امل انى الاقى اى حاجه اركبها مكنش فيه حاجه فى عربيه قربت منى ولقيت فيها شباب
الجميل مشى لوحده ليه
عملت نفسى مش سامعه وطولت
استنى بس انت زعلتى ولا ايه
محستش بنفسى غير وانا بلم اكتر من طوبه من على الارض وحدفتهم عليهم تقريبا كسرتلهم ازاز العربيه
جرو بسرعه بالعربيه لمحت عربيه تانيه كانت تقريبا لازقه فيهم اخدت طوبه وكنت لسه هحدفها بس نزل من العربيه واتكلم پغضب
انت مجنونه ازاى تعملى كده افرضى كانه عملو فيكى حاجه ولا حد فيهم نزل ضړبك هو مفيش دماغ وماشيه لوحدك هنا
صوته كان عالى جدا لدرجه خلتنى اترعش انا اصلا كنت خاېفه منهم هو كمان بدل ما يطمنى زود خوفى اكتر
_ان.. انت بتزعقلى ليه كده كنت عايزنى اتصرف ازاى يعنى مش ذنبى ان الشارع ضلمه
قرب منى لكن مع وجود مسافه لما قرب شاف دموعى القربت تنزل
اتنهد ومسح جبينه
طب اركبى عشان اوصلك مينفعش اسيبك هنا
اتكلمت بعناد
_مش هركب معاك انا اصلا معرفش زيك زى بتوع اوبر المتحرشين
اركبى يلا خلينى اخلص
_انا مش فاهمه انت عمال تزعقلى وتدينى اوامر ليه من ساعت ما شوفتنى وبتتكلم بطريقه وحشه زيك ليه
شاور على نفسه
انا وحش
_اه وحش وعمال تزعق
بصيت للطوبه اللسه فى ايدى وكملت
_تصدق انا غلطانه المفروض كنت احدفك بيها
عينه اتسعت من صډمه الى قولتو وانا الخمسه فى الميه الى فى شجعتى خلصو بعدت عنه وكملت مشى حسيت انه هيرزعنى قلم لو ممشتش من قدامه
سلمت على اهلى وحكيت لماما الى حصل معايا طبعا كنت مستأذنه منهم انى هتأخر
رحت تانى يوم الشغل شوفته من بعيد لكن مدتلهوش اهتمام زى كل مره شكلى كنت مبهوره بشكله انما شخصيته زفت بس برضو قمر يخربيتى نفسى اثبت على موقفى
_صباح الخير يا صغيره على الحب وشك منور
صباح النور يا ليلو يا عسل
قامت حضنتنى وباستنى من خدودى
ليلو ام غمزات يا جميل انت انا مش عارفه اقولك ايه يعنى خلصتيلى شغلى وسلمتيه كمان
_اه اتمنى تكونى مبسوطه
مبسوطه اووى يا ليلو خطوبتى انا ومحمد الاسبوع الجاى
برغم انى لسه مش مسمحاه انه زعلها قبل كده لكن فرحتها عندى بالدنيا قومت حضنتها
_بجد انا مش قادره اوصفلك فرحتى قد ايه ربنا يسعدك يا روكا
ويسعدك يا ليلو اه صح زينب بنت خالت رقيه اتعرفت عليها من كام شهر هى متجوزه ومخلفه
عزمانا عندها النهارده اوعى متجيش
_مش عارفه هشوف ماما الاول
انا هكلمهالك اه صحىيح روحتى امتى امبارح
_ هبقا احكيلك على الحصل
تعرفى حازم جوز زينب صحبو الانتيم شغال معانا وعزمو معانا عشان نتعرف على بعض
_و نتعرف على بعض ليه
_هتلاقي عم ابراهيم بتاع الكافتريا هو الى صحبو فى الاخر
انا كنت شكه من الاول
_بس يعنى عزمو معانا ليه
عادى يعنى هو عازمه بالمره عشان انت عارف زينب بتطبخ فى السنه مره
خلصنا شغل وروحت جهزت عشان اروح لزينب
لابست دريس بيچ ضيق من الوسط شويه ونازل على واسح وعليه حجاب من درجات البيچ وحطيت ميكب رقيق
ازيك يا ليان يا حبيبتى عمله ايه
_الحمد الله يا زينب وانت
انا بخير ادخلى يلا رقيه جوا مستنياكى
اول ما دخلت استقبلنى زين ابنها
جرى عليا وحضنى
ليلو عمله ايه وحشانى
ضميته ليا
_وانت وحشتنى اكتر يا دودى
شيلته وقعدت على حجرى وقعدت جمب رقيه
فضلنا نحكى انا وهى وكنت بحكلها على الى حصل مع ادم
ده قليل
