الطبيب المغترب

انا اسمي طارق ربنا كرمني و دخلت طب و اتخرجت منها بتقدير امتياز. طول عمري كنت بحلم ابقى دكتور كبير و مشهور بس بعد الي حصلي ده بقيت افكر اني مكملش. عشان الي حصلي كان اغرب حاجة ممكن تحصل لواحد لسه بيبدأ حياته. بعد اخر سنة في طب جالي تكليف في قرية من قرى الريف . اعدت اعمل سيرش عشان احاول اوصل لاي معلومة عن القرية ده لاكن ملقتش اي حاجة المهم ان انا جهزت حاجتي و شنتطي و سلمت على اهلى و اتحركت للقرية . ركبت القطر و انا في دماغي مليون سؤال مش لاقي ليهم حل. هل هعرف اتعامل مع الناس هناك هل هيتعاملوا معايا كويس ولا لا هل هعرف اتاقلم و اعيش هناك ولا لا كل ده اسئلة مش لاقيلها اجابة . فوقت على صوت القطر بعد ما كان وصل . نزلت من القطر و بدات اسال الناس على المستوصف الي موجود في القرية و فعلا الناس دلوني عليها بس معظم الناس الي سالتها كانت بتبصلي نظرات غريبة اوي مفهمتهاش بس قولت عادي عشان واحد غريب اول مرة يشوفوه و كده . المهم وصلت للمستوصف و قابلت الدكتور حسين و قابلني بحفاوة الصراحة و بدا يعرفني على النظام ماشي ازاي و كده بس لفت نظري ان في وسط ما هو كان بيعرفني على الدنيا في راجل عدا لابس بالطو ابيض باين من هدومه انه دكتور معانا بس متكلمش بصلي بقرف و طلع الدور الي فوق فسألت دكتور حسين مين الراجل ده و ليه بيبصلي كده

دكتور حسين ده دكتور عماد اقدم حد هنا و معلش ده طريقته هو بيخرج من الصبح بيرجع يتغدى معايا و يخرج تاني و يرجع على بليل ينام يعنى مش هتحس بيه اصلا .
طارقطيب
و كملنا كلامنا و طلعنا الدور الي فوق عشان يوريني الاوضة الي هبات فيها و شاورلي على اوضة جنب اوضتي قالي ان ده اوضته و ان لو عزت اي حاجة اخبط عليه لفت نظري اوضة في اخر الممر موجودة في ظلمة حرفيا الي مخليني يادوب شايف بابها كان نور الممر الي منور سالته هي ايه الاضة ده قالي ده اوضة دكتور عماد بس بلاش تخبط عليه قولتله ليه يعنى و ليه المكان هناك ظلمة اوي قالي هو بيحب كده و مبيحبش يتعامل مع الناس و زي ما قولتلك انت مش هتشوفه اصلا غير وقت الغدا بس. سابني دكتور حسين في الاوضة و انا في دماغي مليون سؤال. مين الراجل ده و ليه سايبينه طلما هو مش شغال او بمعنى ادق مش بيقعد في المستوصف اصلا لاكن قطع تفكيري صوت صړخة رجت