أدم و حواء
انت في الصفحة 1 من 3 صفحات
أفندم!
_ يعني بتبقى جذابة أكتر فيه عن سوق العمل.
كان ممكن تقول جذابة من الأول على فكرة.
_ مش عارف بس دا أحساسي قولته علطول بدون تفكير...سوري.
اممم بس ليه قولت كده دلوقتي!
_ عادي أنت وراك حاجة أدينا بنتكلم...بتضحكي!
أصلك ملكش مالكة كل ما أقول خلاص الموضوع أنتهى ألاقي نفسي في موضوع تاني.
أبدا.
_ طب إيه رأيك
في إيه
_ تحبي تبقي جذابة
قصدك المطبخ يبقى شغلتي
_ مش بالظبط يعني هيبقى المطبخ وصاحب المطبخ اللي هو جوزك والبيت كمان هيبقى عندك وقت تهتمي بنفسك أكتر ولو في عيال مثلا هتعرفي تأسسيهم صح يعني أوفر ميتعوضش بصراحة أنا لو منك أتجوزني وأقعد ف البيت.
جميل جدا بس أنت عارف
أنت بتتكلم كواحد بيسأل عن زوجة وست في حياته ومش أي ست دي ست على التكة .
_ ودي حاجة حلوة ولا حاجة وحشة
بالعكس دا حقك.
_ طيب إيه وجهة النظر اللي حابة تقدميها
إنك لو اتكلمت كأب الموضوع هيختلف 180 درجة.
_ إزاي
هتبقى عايزها بنت ناجحة عندها مستقبل مضمون يدخلها مصدر رزق هتكون عايزاها تشتغل وتعتمد على نفسها مش على راجل! دا مش بعيد تعملها عقدة منهم عشان متخليهاش تقرب من واحد فيهم ولا تسمحلها تقرب شاب ليها هتكون عايزاها ناجحة في مجال دراستها اللي هتتخرج وتشتغل بيه ومش بعيد تجيبلها شغل بنفسك.
يعني إيه!
_ يعني أنا مش هربي بنتي على كم التمرد اللي في كلامك دا.
أحب أسمعك أكتر.
_ يعني أنا هربيها آه تعتمد على نفسها بس كمان هربيها إن هي مش ف الدنيا دي لوحدها يعني مينفعش تفضل طول عمرها معتمدة على نفسها لإنها مش هتقدر دي مسؤوليه أكبر منها ولو قدرت شهر اتنين يستي قولي سنة برضو هتتعب في الأخر هتكون محتاجة طرف تاني إحنا ربنا خالقنا محتاجين بعض أنا محتاج منك حنان واحتواء محتاج في أخر اليوم أجي أترمي في حضنك والاقي منك جانب أمومي تعامليني كإبن مش دايما هبقى محتاجك كزوجة وكذلك أنت محتاجة مني حماية وأمان بعيدا عن أي جانب تاني لازم توازن يا همس لازم توازني توازني بيني وبين هدفك ولو حسيت إن هدفك هيعطلك عني حقي إني أقول للهدف دا لأ! استوب.
_ أنت إيه
معنديش مشكلة يبقى هدفي أنت بالعكس أنت هتبقى أكبر أهدافي بس دا يبقى إسمه روتين ومعروف إن الروتين ملل يا حسن! لما ههتم بيك ساعتها هيبقى بدافع واجب مش محبة.
_ وأنا معنديش مشكلة نشوف هدف وسط لا يعطلك عني ولا يبعدك بالساعات ولا نبقى أحنا الاتنين راجعين طالع عين أهالينا معلش يعني هنجيب حد تالت يخدمنا! ونتقابل
