عمر و ليلى
والله يا حضرت الظابط أنا مع حضرتك إن كلامها مش مقنع أنا أخوها مقتنعتش بس هي فعلا هبلة ودي الحقيقة.
مش مصدقني طب هات الكحك وحطه عليه على فكرة أنا بعمل كحك حلو أوي متقلقش.
طلعتلنا منين دي بس!
دوق يا حضرت الظابط متتكسفش.
عمر وزياد كانوا بيبصولي وعينهم حمرا حسيت إن السچن في اللحظة دي أرحم من إنهم يسيبوني معاهم لوحدنا أنا لو كلت مال اليتيم مكنتش هتحط في الموقف ده.
إحجزوا عليهم وعلى عربيتهم لحد ما نكشف عاللي معاهم ده.
بيااااااخدني معاااه لأماكن عمري ما روحتها.
جايلك نفس تهزري
ماهو ظابط غريب برضه كنت هبقى كده يعني لو بشرب بودرة
أهو المشكلة إنك كده أهو كونك كده هو اللي أثبت التهمة عليكي أنا أخوكي وشكيت فيكي والله العظيم كلامك كلام حد عامل دماغ مش حد طبيعي بأمانة.
إنتو إزاى عيلة تافهه كده فوقوا إحنا في مصېبة.
الواد ده شكله نكدي ومينفعنيش.
واللي إنتي عملتيه ده اللي ينفع
مش عاجبك طلقنيي.
زياد خلي أختك تلم الدور علشان على أخري بجد مش كفاية معتبراني كيس جوافة.
وإنت تطول تبقى كيس جوافة إنت عارف الجوافة دلوقتي بكام علشان تقول كده!
يا مثبت العقل والدييين أنا رايح أترزع في أى داهية.
هو اللي أوفر.
هو برضه
مين يشهد للعروسة ما إنت صاحبه لازم تقول كده.
سابني هو كمان وقعد جانب عمر الرجالة نكدية أصلا ملهمش في الهزار ولا الفرفشة بيعشقووا النكد كده قعدت نص ساعة لوحدي وزهقت.
إحم.
عاوزة إيه
أنا جعانة.
وليكي نفس تاكلي وإحنا في الظروف دي! ده إنتي ممسوكة في قضية مخډرات.
هو سؤال واحد إنتي باردة كده إزاى
وساعات روقااااني يغيظ.
أروح منك فين طيب هربت وسيبتلك المكان عشان متعصبش جيتي ورايا أتنيل أعمل إييييه!
ريللااااكس هدي أعصابك خالص يعني لو إتخانقنا هيحصل إيه يعني لو زعلنا علشان إتقفشنا زى المجرمين هيحصل إيه ما نتقفش أهو مغامرة جديدة حد يطول تجربة جديدة زى دي.
إنت حافظ سورة البقرة كاملة يا عمورة
أه.
طب ممكن أقعد جانبك أسمعك وإنت بتقرأ مش هعمل حاجة تعصبك والله.
وأنا يعني أبو لهب اللي في وسطكو هاجي أقرأ معاكو.
قعدت جانب عمر وزياد كانوا بيقرأوها سوا كنت مبسوطة بيهم كنت حفظاها بس كان نفسي أسمعها من عمر وعندي فضول أعرف صوته حلو ولا وحش في القراءة من أحلامي إن جوزي صوته يبقى حلو في قراءة القرءان وقد كان!
إنتي متأكدة إنه سكر بودرة يا ليلى
أه والله.
الظابط ظهر بس أخباره مكنتش تبشر أبدا..
خد قوة وإطلع بيهم يا علي.
مكناش فاهمين حاجة خدونا في العربية بتاعتهم وقوة كبيرة أوي طلعت معانا..
إحنا رايحين فين!
مدام ركبتوا العربية دي يبقى تنسوا أى أسئلة وإدعوا ربنا يحصلكم معجزة تنجيكو.
هو الكيس طلع فيه إيه
سكر بودرة.
طب ماهو طلعنا برءاء أهو واخدينا ليه
برءاء والله مش صعبان عليا غير البنت دي شكلها غلبانة.
هو إحنا رايحين فين
رايحين مكان اللي يروحه مبيرجعش.
يعني إيه
دي حاجات بتتعاش مش بتتقال للأسف كل اللي أقدر أقوله إنكم محتاجين تدعوا ربنا كتير.
فضلت أردد الصلاة عالنبي
