سكان الليل
انت في الصفحة 1 من 6 صفحات
ديه أخر رسالة جت ليا من علياء مراتي و من بعدها أت قطع الإتصال بيننا ..
الفترة الأخيرة علياء كانت بتمر بي حالة نفسية سيئة بدون أي سبب و بناء عليه طلبت مني انها تسافر مع اهلها أسبوع لي شقتهم إلي في اسكندريه تغير جو انا كنت حاسس انها فعلا محتاجة للسفرية ديه خصوصا بعد ما لاحظت إنها الفترة الاخيرة بقت عصبية زيادة عن اللزوم حزن و زعل بدون مبرر رغم اني بحاول اكون لطيف معاها على قد ما اقدر و بحاول ابسطها بكل الطرق بس للأسف كل محاولاتي فشلت .. فا كنت شايف إن الاسبوع دا جيه في وقته منها تغير جو و ترجع لطبيعتها و منها أتفرغ لي شغلي في المصنع بتاعي انا كمان منا كنت الفترة الي فاتت مشغول بالحالة إلي هي وصلت ليها و أهملت المصنع تماما
هو دا وقته
قولتها بعد ما قومت افتح الباب .. عشان اتفاجئ بي علياء ماسكة الشنط بتاعتها و واقفة قدامي
ايه دا ايه جابك مش المفروض انك هتقعدي إسبوع !
ماكنتش عاوزني أجي ولا إيه
لا يا محمد مفيش حاجة انا حسيت بس إني م خ نوقة و مستحملتش القاعدة هناك فا استأذنت من بابا إني همشي
ولا يهمك يا حبيبتي نورتي بيتك
سابتني و دخلت ع التلاجة من غير حتي ما تغير هدوما طلعت كل الأكل الي فيها و فضلت تاكل بشراهة و بي طريقة غريبة اول مره اشوفها من ٣ سنين جواز بتاكل بالطريقة ديه زي الى بقالها سنين مشافتش الأكل انا كنت مستغرب جدا من الي هي بتعمله بس في نفس الوقت قولت جايز من الحالة النفسية الي بتمر بيها لأني زي ما سمعت فيه نوع من الناس لما يكون زعلان بياكل كتير جدا..
بقي كده ٣ ايام متفكرش حتي تتصل تطمن عليا
اتطمن عليكي فين يا لولو احنا هنهزر .. يلا اخرجي عشان عاوز ادخل الحمام
اخرج منين و حمام إيه يا محمد مش فاهمة حاجة
يابنتي انتي مش لسه داخله الحمام تاخدي شاور
لحد دلوقتي انا فاكر ان الموضوع هزار او مقلب لحد ما طلبت منها نتكلم فيديو كول
وبالفعل تتصل بيا فيديو عشان اشوفها قاعدة على سريرها في الشقة إلي فى اسكندرية!
مستحيل مش ممكن
هو إيه الي مستحيل و مش ممكن فيه إيه يا محمد قلقتني بجد
مكنتش مصدق الي انا شايفه امال مين الي جت ديه .. والي بتاخد شاور دلوقتي في الحمام! كنت بكلمها وانا عمال افكر و حاسس الدنيا بتلف بيا كل ردي عليها بي اه ماشيحاضر
يا محمد هو كل ردك اه ماشي.. بقولك انا خاېفة انا بشوف حاجات غريبة في الشقة ديه ..
يا محمد انا بكلمك انت مالك فيك ايه و عمال تبص جنبك علي إيه .. إيه بيحصل فهمني
يا روحي ممم فيش حاجة انا بس بتفرج على فيلم السهرة الي بيجي على mbc2 ما انتي عارفه اني بستناه من الأسبوع للأسبوع
رجعت قررت نفس كلامها بي نبرة فيها خوف و توسل
يا محمد فيلم إيه دلوقتي حرام عليك ركز معايا بقولك انا مړعوپة بشوف حاجات غريبة في الشقة ديه
حاجات إيه يا علياء ..مالك يا حبيبتي قلقتيني
انا اعصابي ات د مرت في الكام يوم دول فففف فيه كائن غريب بيظهر قدامي و يختفي بببب..بشوفه بيمشي جوا الحيطه اول ما برمش بي يختفي بيظهر قدامي ف كل حته بس بيختفي بعد لحظة ... انا خاېفة اوي يا محمد ..
ياربي هي ناقصة رع ب انتي بتكملي عليا يا علياء اشوفلك دلوقتي حل ولا اشوف حل للي انا فيه ..عمال اسمعها وانا بردو ودني مركزة مع صوت الدش الى لسه شغال ..
ععع..عامل ازاي طيب يا علياء الكائن الي بتقولي عليه دا.. شكله يعني
هو عامل زي الخيال او الضل مش جسم بي معني الكلمة بس ضخم جدا ..
و مجرد ما بدأت توصفه بدأ يظهر وراها خياله ع الحيطة كأنه واقف قدامها ومعكوس خياله في الحيط
اسود في أسود ..سواد قاتم و مخيف
عيني و سعت وانا ببلع ريقي و مش مصدق إلي انا شايفه
ليه عيون بيضة و صغيرة لكن بيظهر منها ضوء شكله مرعب
الشكل بيكمل زي ما بتوصفه بالظبط اتكون بي شكله الكامل ... بس دا مش خياله ..دا هو نفسه خارج من الحيط زي ما يكون هوا واقف وراها و بيبصلي جسمي عرق حاس بي بي برودة و حر فى نفس الوقت .. الدش لسه شغال
يا محمد انت متنح كده ليه رد عليا.. مالك بلمت ليه.. انا خاېفة جسمي قشعر أما جبت سيرته و قلبي اتقبض .. قولي اعمل إيه
فضلت فاتح عيني على اخرها و مبلم بس مش قادر ارد لساني تقل مش قادر انطق
وووو..وراكي ...بببب..بصي وراكي
هو إيه الي ورايا يا محمد
قالتها و هي بتلف رقبتها و بتبص وراها عشان اول ما تشوفه تص وت وتقع ع الارض يقع الموبايل معاها و الصورة تسود .. اخر حاجة سمعتها صوت أمها في الخلفية وهي داخلة الأوضة جري
بنتي ... بنتي ...الحقني يا فارس علياء مش بتنطق
اعصابي كلها سابت و جسمي اتلبش و ركبي كانت بتخبط فى بعض ... الدش لسه شغال..اعمل إيه..اتصرف ازاي!
قومت ناحية الحمام وانا بترعش تمالكت اعصابي و سميت الله و فتحت الباب... بس ملقتش حد!! الدش شغال ومفيش حد بس فيه كلام مكتوب علي الحيطة كلام مكتوب پالدم ..
جسد ملعۏن
حرف النون
ډم فرعون
الد م بيسيل من الكلام كأنه لسه مكتوب طازة .. مش مصدق نفسي هو إيه الي بيحصل...إفتكرت علياء لازم
