سكان الليل
الأوامر ان يتم مزج اي حاجة تخص الواقع عليه الاذي زي هدوم او صورة ليه بي چثث احد الفراعنة إلي موجودة في المقاپر بتاعتهم والي بالمناسبة بردو ان عشان يقدر يوصل ليها الساحر بتكون بي مساعدة الجن
شوفت مدي صعوبة و تعقيد الموضوع يا محمد عشان كده بقولك ان خلال مسيرتي ف علاج حالات المس و إبطال الأعمال السفلية اول مره اقابل حالة واقع عليها النوع دا من السحر ..
محمد وصلت لي إيه لو ملحقتنيش دلوقتي انا هعمل في نفسي حاجة ..
كانت بتتكلم وهي پتبكي وصوتها بيرتجف و اصلني إحساسها في التليفون من صوتها ..
اهدي بس يا حبيبتي إهدي الدكتور جمال بيأكد ان احنا معمول لينا عمل و انا بخلص معاه شوية حاجات و هجيبه و هجيلك بس أهدي عشان خاطري
فجأة و هي بتتكلم سمعت صوت نفس متادخل معاها في صوتها كأن حد بيتنفس جنبها الصوت واضح جدا.. صوت نفس ملازم ليه صوت حشرجة مرعبة ..
علياء ردي عليا فيه حد جنبك ... ردي عليا يا علياء سكتي ليه
اختفي صوت علياء تماما و مكنتش سامع غير صوت النفس و الحشرجة في ودني
اعوذ بالله
قولتها و انا برمي التليفون ع الارض انا حسيت بالنفس كأنه جنبي مش في التليفون كان سخن عامل زي الصهد ..
حصل ايه يابني
قالتها أمي وهي مخضوضه من رد فعلي ..
قولتها بعد ما قعدت ع الكرسي وانا حاطيت ايدي الاتنين على دماغي عشان ألاقي نفسي و لأول مره في حياتي ب بكي بالطريقة ديه حضنتني امي و هي پتبكي هي كمان و فضلت تطبطب عليا ..عشان يرجع الدكتور جمال يمسك الكتاب تاني و هو بيقلب فيه ..تمالكت اعصابي و مسكت موبايلي بسرعة اتصل تاني بي علياء افهم إيه الي حصل لقيتها مش بترد اتصلت بي عمي فارس لقيته هو كمان مش بيرد .. زاد الخۏف و التوتر و القلق اكتر..
عشان الاقي الدكتور جمال بيهز دماغي بالرفض!
السر و اللغز هنا قبل ما نروح لي المدام يا محمد لازم نوصل لي العمل عشان نقدر نبطله ..
ططط..طب هنوصله ازاي دا يا دكتور و انت بتقول انه في بطن حوت .. وعلياء و اهلها الي مش بيردوا دول .. هنفضل ساكتين و مش عارفين إيه حصلهم!
بصيت للسما و قولت لا إله إلا انت سبحانك اني كنت من الظالمين
قرب مني و حط إيديه علي كتفي
وعارف النتيجة كانت إيه
فا استجبنا له و نجيناه من الغم
قولتها وانا بنشف خدي من الدموع الي كانت نازله عليه..
رجع تاني مسك الكتاب و هو بيقرأ شوية كلام من نفس الصفحة كان بيقرأها باللغة السريانية الي مكتوب بيها العزيمة فا مكنتش فاهم هو بيقول ايه ..
دلوقتي انا عاوزكم تلتزموا الصمت و مهما حصل في المكان محدش فيكم يتحرك من مكانه.. مفهوم !
بصينا لي بعض انا وأمي ورجعنا هزينا دماغنا بالموافقة من غير ما نتكلم عشان يبدأ دكتور جمال انه يعمل حاجة غريبة ..
طلع طبق من درج المكتب عليه نقوش شكلها غريب تشبه النقوش الي بتبقي موجوده ع الجدران الفرعونية الحاجة الوحيدة الي قدرت اميزها في النقوش دي او احدد هي ايه كانت اشكال لرؤوس أفاعي مطلعة لسانها بشكل مخ يف ..
جاب حاجة شبه الدقيق فضل يفركها بي ايديه في قلب الطبق الحاجة دي كانت تخينه و خشنة لكن مجرد ما فركها بي إيديه بقت ناعمة زي البودرة و بعد ما خلص فرك طلع كيس تاني فيه حاجة شبه البودرة بردو بس سودا حط منها شوية صغيرين خالص على كاف إيديه و نفخ فيهم طيرهم ع الطبق ..قرب بوقه من الطبق و فضل يتكلم بصوت واطي و هو بيقول كلام مش مسموع .. عشان فجأة الطبق يطلع منه ڼار من العدم ..
امي اتخضت و مسكت فيا و كانت لسه هت صوت لكن نظرته الحاده ليها كانت اقوي من خۏفها من الي شافته فا أجبرها ع السكوت ..عشان بطريقة تلقائية تحط إيديها على بوقها..
وطي الدكتور جمال بي وشه على الطبق وهو مغمض عينيه و فضل يقول كلام مش مفهوم .. وبعد دقايق تبدأ اللمبة ترعش تنور و تطفي بطريقة سريعة كنت عمال ابص حواليا وانا جسمي بيترعش بس كنت لازم ألتزم الصمت زي ما هو قال .. اللمبة كانت اشارة ان الخادم الي معاه حضر..
عشان يبدأ يرجع بي ضهره لي ورا بي بطئ وهو لسه مغمض عينيه لحد ما سند ضهره ع الكرسي وهو لسه مغمض عينيه ..لكن بدأ المره دي يتكلم بصوت عالي بيتكلم مع حد هو بس الي سامعه بيتكلم بي لغة غير لغتنا مكنتش فاهم هو بيقول ايه لكن كنت شايفه وهو في عالم تاني ..
الاجواء مرعبة الڼار الي في الطبق زادت كأن حد حط عليها بنزين النور اتطفي تماما لي وحده .. وهو لسه بيتكلم بنفس الطريقة لكن صوته اتغير .. بقي كأنه مبحبوح بيطلع من حنجرته بالعافية ... و بعد دقايق الڼار تبدأ تطفي لوحدها بالتدريج اللمبة رجعت نورت تاني ويفتح عينيه دكتور جمال وهو ماسك دماغه زي مايكون اصابه صداع ..
حوت احدب .. في المحيط الأطلسي..
نعم
قولتها بعد ما بصينا لي بعض انا وأمي با استغراب.. عشان يرجع يكرر كلامه..
العمل موجود جوا بطن حوت في المحيط الأطلسي فصيلة من الحيتان اسمها احدب و أنثي كمان انا شوفت الحوت بي عيني و هو عايم في المحيط و سمعت النداء بتاعه
يا حفيظ يارب يا ستار يارب
قالتها امي الي كانت مذهولة من الي بي تسعمه و عماله تترعش ..
ططط..طبب هنطلعه ازاي دا يا دكتور جمال من ببببب..بطن الحوت .. و ازاي هنروح المحيط..
مين قال ان احنا هنروح المحيط .. هو الي حط العمل في بطن الحوت راح المحيط و قدر يحطه جوا بطن الحوت ..هو دا كلام منطقي ولا يدخل العقل!
امال إيه يا دكتور جمال انا مش فاهم حاجة ارجوك فهمني
زي ما قولتلك ان العزيمة ديه من اقوي عزايم السحر الأسود وليها قدرة علي حاجات كتير .. ومن ضمن الحاجات ديه
