يحدث ليلا

بيحكي والد دنيا إن مامتها قالتله قبل ما ربنا يفتكرها إن اللعڼة الي بابها اتفتح مش هيتقفل غير بي م وت حد فينا و قد كان ..
القصة مستوحاه من حدث حقيقي
يوصل راجح بيته الساعة تقريبا ٢ بعد الضهر بعد ما خلص يومه في الشغل في واحد من اكبر البنوك المصرية .. يفتح باب الشقة عشان يشوف بنته دنيا الي عمرها ٩ سنين ماسكة العروسة اللعبة بتاعتها و بتغني ..

ماما زمانها جاية جاية بعد شوية جايبة لعب وحاجات
مش دا الغريب.. الغريب أنه أول ما دخل لمح عيون العروسة وهي بترمش و بتتحرك زي ما تكون عين بني أدم! للوهلة الأولي حس إنها تهيؤات ..دعك عينيه و دقق النظر تاني عشان يلاقيها العين البلاستيك الطبيعية بتاعت العروسة..
تقابله إسراء مراته وهي خارجه من المطبخ و كعادة يومية متعود عليها من ١٠ سنين جواز انه اول ما يجي من الشغل يبوسها من خدها ..
وحشتيني ..
و انت كمان وحشتني اوي
لاحظ راجح برودة في في جسم إسراء وهو حاطيت إيديه الأتنين علي كتافها وشها كان شكله اصفر زي الي مخضۏضة من حاجه ..
مالك يا جميل فيه حاجة ولا أيه ..شكلك مش طبيعي انهارده
قالها وهو بيمرر صوابعه بين خصل شعرها ..
بصت إسراء ناحية دنيا الي كانت لسه بتلعب وبتغني للعروسة و رجعت بصت ليه وهي بتبلع ريقها وباين علي جسمها انه بيترعش ..
مالك يا إسراء فيه ايه إنطقي هي البنت فيها حاجة 
قالها راجح بي نوع من العصبية بعد ما و صله احساس من شكل إسراء إن فيه حاجة..
للللل...للللا...البنت كويسة ببببببببس فيه حاجة غريبة بتحصل يا راجح
يبص ليها راجح بنظرات استغراب و دهشة
حاجة غريبة ازاي يعني مش فاهم 
بقالي كام يوم بس...
وقبل ما تكمل كلامها كان حط صوابعه على شفايفها
ششششش.. ولا اقولك نتكلم و احنا بنرقص..
بيحكي راجح انه كان متعود دايما يرقص هو و إسراء علي أغنيتهم المفضلة كانوا يا حبيبي لي فيروز ..
يروح ناحية الجرامافون .. وإلي مش عارف منكم الجرامافون هو الجهاز الي كان بيتم سماع عليه الأغاني و الموسيقى قبل الراديو كان بيشتغل بي الأسطوانات .. و يشغل الأغنية
كانوا يا حبيبي ثلج و صهيل و خيل ما رق ع باب الليل .. كانت اصواتن تاخدنا مشوار صوب المدي و الڼار 
يحط إيديه علي وسطها وهي تلف إيديها حوالين رقبته و يبدأوا يرقصوا..
القمر ماله وشك اصفر كده ليه
راجح انا اكتر من مرة أسمع دنيا بتتكلم مع حد مش موجود ..
نعم! حد مش موجود ازاي يعني مش فاهم ..
قربت منه و حضنته بي نوع من الخۏف وحطيت دماغها على صدره
مش عارفه ومش فاهمه بسمعها بتتكلم مع حد انا مش شيفاه لكن هي شيفاه بشوفها و هي قاعدة مربعة رجليها وعمالة تبص يمين و شمال كأن فيه حد قاعد قدامها .. و لما كنت بقرب منها احاول اسمع بتقول إيه كانت بتسكت فجأة.. رغم اني بكون جاية من ضهرها وهي مش شيفاني ..لحد إلي شوفته و سمعته انهارده ....في الأول سسسسسس...
شوفتي إيه يا إسراء انطقي
حلفتك يا حبيبي لا تنسي يا حبيبي لما بتسمع هالغنية فكر فيا يا حبيبي 
كككك...كنننت بجهز الاكل في المطبخ سمعت صوت لطفلة پتبكي صوت غير صوت دنيا طفلة بيبي لسه مولودة ... استغربت اوي وخررجت بسرعة