سر اللوحة
انت في الصفحة 1 من 7 صفحات
اللوحة ديه عمرها اكتر من ٥٢ سنة موجوده عندنا في البيت بس من فترة قريبة بدأ يظهر فيها فتحة صغيرة في اخر جسم اللوحة من تحت في البداية افتكرنا إن اللوحة متأثرة بي عوامل التعرية عادي.. بس الغريب ان الفتحة ديه بقت توسع كل يوم عن الي قبله عشان بعدها يظهر منها العين الي قدامكم ديه ...
الي عرفته بعد كده ان اللوحة دي مرتبطه بتفاصيل مرعبة اللوحة نفسها مدخل او بوابة لي عالم تاني و ظهور العين هو علامة عن اقتراب حدث هيغير موازين العالم من خلال اللوحة بتاعتنا .. دا لو المعلومات الي قدرت اوصل ليها صحيحة ..
اللوحة ديه عمرها حوالي ٥٢ سنة كانت موجودة عندنا في بيت العيلة في مخزن قديم بي يملكه جدي الله يرحمه كان مخصص المخزن دا لي الخردة وأي حاجة ملهاش لازمة كانت بي تتحط فيه..
في الطبيعي المخزن محدش بينزله غير كل فين و فين إلا لو هيرمي حاجة من خردة البيت زي خلاط بايظ مثلا او حاجة قديمه مبقاش ليها لازمه وكمان لأنه مكركب و مليان تراب .. والكلام دا بي ينطبق عليا انا كمان عمري ما دخلت قعدت في المخزن او دورت ف حاجة غير المره ديه .. ويارتني ما كنت دورت
بعد حوالي ساعتين من التفكير في الي حصل قولت لي نفسي اقوم اخد لفة وسط الكراكيب ديه يمكن الاقي فيها حاجة مفيدة وديه كانت أول مره في حياتي ادخل فيها المخزن ادور في الخردة إلي فيه.. فضلت ادور يمين وشمال و اشيل دا من هنا احطه هنا كمية خردة لا حصر لها .. المخزن دا بقاله ٤٢ سنة بيترمي فيه خردة البيت كله احنا بيت عيلة مكون من ٣ أسر شقتنا و شقتين لي اعمامي و شقة عايشة فيها جدتي لي وحدها ..
لحد ما عيني جت علي حاجة لونها دهبي بتلمع كانت في القاع تحت خالص وفوقيها مجموعة كبيرة من الأوراق وبعض الأجهزة الكهربائية القديمة مش عارف ليه لفت نظري شكلها و حسيت ان ممكن تكون حاجة قيمة بدأت اشيل كل الكراكيب الي عليها لحد ما أخيرا و صلت ليها ..
مسكتها و فضلت انضفها من كمية التراب الي كانت ڠرقانه فيه عشان
