سر اللوحة

عرفت ان اللوحة دي مش طبيعية اكيد وراها سر كبير .. بس انا هتصرف ازاي مش ضامن لو اتخلصت منها ايه ممكن يحصل بس الي انا لازم اعمله دلوقتي هو اني اسيب الشقة انا و أهلي لحد ما نشوف هنعمل إيه .. وجودنا فيها هيكون خطړ علينا كلنا ..
ودا فعلا الي عرضته على ابويا و الي وافق على الفور خوفا على اختي و أمي من اي ضرر ممكن يصيبهم ..
سيبنا الشقة و بلغنا اعمامي ان احنا كلنا طالعين نغير جو كام يوم وراجعين مرضناش نحسس حد ان فيه حاجة مش طبيعية منعا ان يحصل حالة من الذعر ليهم هما كمان .. ودا كان اقتراح ابويا ان الموضوع يفضل سر بيننا ..
سيبنا الشقة و أجرنا شقة في مكان تاني لي حد ما لاقي حل زي ما قولت لي أبويا انا خدت قرار اني لازم اعرف ايه موضوع اللوحة ديه وطمنتهم اني في اسرع وقت هقدر اتخلص منها من غير ما حد فينا يصيبه اذي ..
عدي تقريبا يومين مكانتش عارف انام فيهم انا مش عارف اروح لي مين ولا أعمل ايه تفكير ليل نهار بدون اي فايدة للوصول ل حل .. بس قولت لنفسي ليه مروحش المخزن تاني ادور يمكن ألاقي اي خيط يوصلني لأي معلومة..
ودا الي عملته بالفعل روحت بيتنا تاني و دخلت المخزن قلبته كله فوق بعضه دورت في كل ركن وكل شبر فيه بس للأسف مفيش اي حاجة في وسط الخردة ديه ممكن يكون ليها علاقة باللوحة و اخر ما فقدت الأمل فتحت شوال كان مليان ورق و كتب قديمة ..مجرد ما فتحته لقيت كمية تراب طار في عيني كان هيعم..يني ..فضلت اكح كنت هم..وت
مسكت الشوال و فضيته كله على الأرض كلها كتب لي طه حسين و نجيب محفوظ و بعض الأوراق والإيصالات الي ملهاش اي قيمة .. لحد ما لفت نظري كتاب مختلف عنهم كلهم ..
الكتاب كان مصنوع من غلاف خشن جدا مش مكتوب عليه اي عنوان لما مسكته حسيت ان الغلاف مش مصنوع من ورق أصلا زي مايكون جلد حيوا..ن .. و يمكن دي اكتر حاجة لفتت انتباهي للكتاب
فتحته لقيت الاوراق الي فيه لونها اصفر وطالع منها ريحة غريبة مش ريحة عاديةمكانتش اقدر استحمل بشاعتها الورق كانت اطرافه متآكله ودا بسبب الركنة واضح انه بقاله سنين كتير ..
فضلت اقلب في الاوراق الي فيه عشان اشوف رموز وحروف غريبة فيه كمان صور لي بني ادمين بس مش طبيعين فيه منهم الي كان ب زلومة فيل وفيه الي كان ليه ودان اشبه بالزرافة .. وفيه كمان...مش ممكن ..هو!!
نفس الرسمة الي على اللوحة نفس الكائن .. اول ما شوفته حسيت بشكة غريبة في قلبي مش عارف دا نتيجة الص..دمة لأني افتكرت منظر العين ولا الموضوع ليه علاقة بحاجة تاني.. الصورة الي قدامي فيها شكل الكائن بس. لكن مش اللوحة نفسها كان مكتوب تحتها بعض الرموز و العبارات الي مش قادر افهم معناهم لغة غريبة عمري ما شوفتها
قلبت الورقة الي بعدها و شوفت المره ديه اللوحة نفس اللوحة بالظبط بس فاضية مفيش جواها رسمة ..مكتوب تحتها رموز و عبارات بي نفس اللغة الي انا معرفش حاجة عنها ..
عشان ارجع اقلب الورقة تاني والمره ديه اشوف العين ..مممم..مش ممكن
العين بتبص ليا و بتتحرك من قلب الكتاب زي ما كانت موجودة في اللوحة