سر اللوحة

انهج حسيت اني فقدت الاحساس بالزمان والمكان لدرجة اني مكنتش حاسس ولا شايف عمي بيعمل ايه او بيحصله إيه الكائن دا كان بيتكسر لقطع صغيرة زي القزاز كانت بتطير علينا زي العاصفة تقطع في جلدنا وترجع القطع ديه تتجمع تاني وتكون الشكل الطبيعي للكائن اتكررت العملية ديه اكتر من مرة حسيت ان الد م بيسيل من كل حته في جسمي .. عشان يرجع تاني يستقر في اللوحة
اترميت على الأرض وانا ساند ضهري على الحيطة مش قادر انطقحاسس اني خلاص بم..وت ..رفعت عيني بصيت على عمي لقيته مرمي ع الأرض زي المقت..ول فارد درعاته الاتنين زي الجث..ة .. لقيت الدنيا بتسود في عيني للمرة التانية لحد ما ضلمت تماما.. عشان افتح عيني بعدها وحواليا اهلي الي جم كلهم لما اعمامي اتصلوا بيهم وداه بعد ما مرات عمي دخلت علينا الشقة وشافت منظرنا ورقعت بالصوت ..
خلاص .. كل الي في البيت عرفوا قصة اللوحة الوضع كان من الواضح انه وصل ان ممكن حد فينا يفقد حياته بسببها في اي لحظة مفيش اي مجال غير اننا لازم نتخلط منها وفي أسرع وقت ..
ياخد واحد من اعمامي الكتاب و يروح بيه لحد متخصص في اللغات والي وضحله ان الكتاب عبارة عن كتاب خاص بالسحر و الكلام الي فيه مكتوب بلغة اول مره اسمع عنها اسمها اللغة السريانية قاله كمان ان الكلام المكتوب بالعربي هو الطلسم المخصص لإستدعاء حارس الكتاب ودا الي كان مشروح في النصوص الي في الكتاب.. ودا كان تفسير الي بيحصلنا كل اما نقرأ الطلسم كنا بنستعدي الحارس و احنا منعرفش..
اما الي قاله المترجم دا بعد كده والي نقله لينا عمي كان اخطر حاجه ممكن تسمعها ودني ..
العين التي لا تنام ..
زي ما مكتوب في الكتاب ان اللوحة دي اتصنعت عن طريق ساحر يوناني في القرن الماضي الساحر دا كان عامل عهد مع الشيطان الي أهداله تعويذة شيطانية بي إنه يحول اللوحة لي بوابة نجمية يقدر من خلالها يرجع او يتقدم بالزمن ودا عن طريق طلسم بردو مكتوب في نفس الكتاب الي يقرأه وهو واقف قدامها هتتحول بعدها اللوحة ل بوابة نجمية يدخلها ويختار المكان و الزمان الي عاوز يكون فيه ..
اللوحة دي اتحط عليها حراسة عشان محدش يقدر ي..دمرها او يتخلص منها وهي العين التي لا تنام مذكورة بأسم العين التي لا تنام لانها هتكون دايما بالمرصاد لأي حد يصيب اللوحة بي ضرر مكتوب كمان ان العين دي هي عين الدجال والي ليه علاقة بتوقيت بداية ظهور العين على اللوحة لأن الوقت الي ظهرت فيه العين هو الوقت الي التعويذة اشتغلت فيه ودا كان متحدد عن طريق الدجال ..
بمعني ان طول الفترة الي فاتت قبل ما تظهر العين كانت اللوحة بدون أي قيمة التعويذة متحدد ليها انها تبدأ في وقت وزمن معين الوقت دا مرتبط بفترة ما قبل ظهور الدجال لأن اللوحة ديه هتكون من ضمن الحاجات الي هتمهد لظهوره وهو الوقت الي احنا فيه الي زادت وأنتشرت فيه الفتن اللوحة جزء من مخطط كبير .. انتشار السحر و الشړ على الأرض مش صدفة ..كل حاجة متخطط ليها كويس مفيش حاجة صدفة..
الساحر الي كتب الكتاب دا والي كان سبب في وجود اللوحة هو جندي من جنود إبليس و الدجال في الأرض والي فيه زيه كتير من اعوانهم موجودين وسطنا للأسف كل
الي فى الكتاب طلاسم للتمكن و التحكم في اللوحة وزيادة قوتها لكن مفيش أي شرح ازاي ممكن نصرف شرها و نبطل لعڼتها .. وداه كان اخر كلام قاله عمي ..
اللوحة ديه لازم تت..ح..رق هي والكتاب داه ملهاش حل تاني احنا مش ضامنين ايه الي ممكن يحصل بسببها .. المره ديه ربنا ستر المره الجاية منعرفش ايه الي ممكن يحصل
داه الاقتراح الي قاله واحد من اعمامي ..
كل الحاضرين ساكتين مفيش حد عاوز يوافق ويكون سبب في دمار اكتر لأن منعرفش ايه هيكون رد فعل العين لو عملنا كده وفي نفس الوقت مفيش حد عاوز يقول لاء ويكون سبب في اذي محتمل لو اللوحة فضلت موجودة..
بس بما ان وجودها اذي و حرقها ممكن يكون اذي يبقي نحرقها والي يحصل يحصل وداه كان رأي عمي الي هو قدر يجيبلنا ترجمة كلام الكتاب..
بعد كام يوم شوفنا فيهم كل انواع الړعب كلنا كأن اللوحة بتحذرنا من الي عاوزين نعمله خيالات بتعدي وتختفي كوابيس بنشوفها كلنا بنفس التفاصيل بتتكرر ظهور الكائن الي جو اللوحة فى احلامنا الموضوع وصل للإحساس بأنفاس سخنة جدا وقت النوم زي مايكون حد نايم معانا على السرير كلنا ب نمر بنفس الأعراض!
الحمدلله انا وعمي قدرنا نستعيد جزء كبير من صحتنا و جروحنا الي حد ما اتعافت وداه الي كان مستنيه ابويا وباقي اعمامي عشان نحضر كلنا مراسم الحړق ..
نطلع كلنا على مكان ما في الصحرا ودا كان رأيي انا ان الحړق يكون في مكان مفيهوش سكان تحسبا لأي رد فعل غير طبيعي ويكون بعيد عن البيت عشان ميحصلش أي حاجة للي موجودين فيه .. وداه فعلا الي حصل..
حفرنا حفرة في الأرض حطينا جواها اللوحة والكتاب وعليهم شوية بنزين العين كانت عماله تبصلنا وهي بتنزل دموع كأنها پتبكي بصينا كلنا لبعض عشان يطلع عمي من جيبه الكبريت و يو لع في اللوحة و الكتاب ..
الڼار مسكت فيهم واحنا كلنا واقفين بنراقب ... جسمنا بيترعش مترقبين إيه الي ممكن يحصل في اللحظات الجاية .. عشان بعد دقايق تهمد الڼار وهنا كانت المفاجأة.. الكتاب واللوحة مفيش فيهم خدش !!! كأن شئ لم يكن ..
كنا قاعدين نبص لبعض بذهول مش مصدقين الي شايفينه عشان يرجع تاني عمي يرمي عليهم بنزين اكتر ويو لع فيهم تاني و بعد دقايق تهمد الڼار ويفضل الكتاب و اللوحة بدون اي تأثير من الڼار ..
جريت على الكتاب ومسكته وانا بمزق وبقطع الورق ب إيدي مسكت اللوحة فضلت اخبطها في ركبتي كسرتها ٣ حتت كنت بتصرف زي المجنو..ن جري عليا كل الي موجودين وهما بيمسكوني وبياحولوا يهدوني انا مش عارف ازاي اتصرفت كده ولا إيه الحالة الي كنت فيها ديه بس ...بس ..مش ممكن
انا فين!!..فين ابويا واعمامي
هو ايه الي حصل!!
روبوتات حواليا في كل مكان اطباق طايرة فوق دماغي و أصوات غريبة المباني بقي شكلها متطور كأنها مبنيه من حديد انا كنت في الصحرا ازاي بقيت هنا .. انا روحت المستقبل!! اللوحة دخلتني البوابة النجمية