هاديه
اعمل حسابي ..هههه
على فكره انا مبهزرش
يعني ايه !!
انت مش موافق
على ايه
بصت الناحيه التانيه
مسكت كتفها ولفيتها ناحيتي
هاديه انتي بتتكلمي جد
ودي فيها هزار
مش عارف ..بس انا
انت ايه
انا مش هسيبك ومعاكي وفي ضهرك .اطمني
ابتسمت وقالت
انا مطمنه بيك
كنت طاير من الفرحه ..وسهرت معاها في المطعم
وصممت أنها توصلني
ايوه بس انا ساكن في حاره و ..
متحاولش هوصلك يعني هوصلك
بس انا مش عاوز اتعبك..المشوار بعيد
لا متقلقش..تعبك راحه
ركبنا عربيتها وفي الطريق كانت مشغله اغاني رومانسيه
وكنا بنضحك ونهزر
ومخدتش بالي أن في عربيه متابعانه
وصلت ونزلت عند البيت ..وقولتلها معلش بقى الوقت اتاخر وانا لوحدي ..كان نفسي اقولك اتفضلي
ودعتها وطلعت الشقه ..
دخلت ولسه بغير هدومي...لقيت جرس الباب بيضرب
بفتح الباب اټصدمت لما لقيت طليقها في وشي
ومعاه ٢ بودي جارد شبه النيران واقفين وراه
ابتسم وقالي
أمي بتردلك السلام ..وطلع مسډس وحطه على دماغي و..
وقالي ايه مفيش اتفضل ..
مديت ايدي بسرعه وطفيت نور الشقه اللي جنب الباب
سمعته بره بيقول
افتح يلا ..انا مش هسيبك الليلة
وفضل يخبط جامد عليا
انتوا واقفين تتفرجوا ..اكسروا الباب
جوز التيران اللي معاه ..كسروا الباب فعلا
وكنت أنا واقف في المطبخ ماسك سکين
ولعوا النور ..وشوفوه راح فين
دخلوا يدورا عليا
واحد مهم دخل المطبخ..وهو ماسك المسډس
ھجم عليا
ولسه هجري لقيت طارق والتاني في وشي
مسكني وكتفني وطارق نزل ضړب فيا
ذقيته برجلي ..وقع ع الأرض
وقام وكمل ضړب بقسۏة وغل اكبر
انت فاكر نفسك مين يلا ..عشان تتحداني
انت حتة حشرة افعصك برجلي
دا اخر تحذير ليك لو مبعدتش عن هاديه
انا هخلص عليك
وفقدت الوعي
فوقت تاني يوم ..لقيت الممرضة واقفه جنبي
وشكلي في مستشفي شيك وفي أوضة لوحدي
انا فين
حمدالله على سلامتك يا فندم
دقايق دوخل الدكتور كشف عليا وقال
عامل ايه النهارده
انا فين ومين جابني هنا
انا يا حازم
دخلت هاديه وهي شايله بوكيه ورد
ايه اللي حصل
طمني يا دكتور
لا هو بخير ...شوية كدمات وفي كام غرزة في دماغه
احنا بلغنا الشرطة ولازم ياخدوا اقوالك
كمان
عن اذنكم
اتفضل يا دكتور متشكرة لتعب حضرتك
العفو يا فندم
الف سلامه عليك
الله يسلمك ..انا مش فاهم جيت هنا ازاي
وانتي عرفتي منين
بعد مانا وصلت البيت ..اتصلت بيك اكتر من مره وانت مكنتش بترد ..وبعدها في حد من جيرانك رد عليا
وقالي أن في ناس دخلوا عليك الشقه وانك
فاقد الوعي ..طلبت منه ياخدك بسرعه على هنا
ايوه بس المستشفى دي شكلها غالي
سيبك من الكلام دا وقولي ايه اللي حصل
حكيتلها اللي حصل من ساعة ما سبتها
ولقيتها عيطت وقالت أنا اسفه بجد
اسفه على ايه
اني السبب في كل دا
بالعكس دي احلى حاجة حصلتلي
انت بتقول ايه
ايوه لاني اتاكدت فعلا اني غالي عليكي
بطل بقى
انت اتكسفتي
خلاص يا حازم انت في ايه ولا في ايه
بعد يومين كنت رجعت البيت وعملت محضر في طليق هاديه
وقررت اني مش هستسلم وان الست دي مش هتخلى عنها
خصوصا واني لقيتها فعلا طيبه وشارياني
رغم ظروفي ووضعي
بعد كم يوم عرفت أنه خد إخلاء سبيل
وأنه عرف يجيب شهود زور واثباتات أنه كان في اسكندريه في ليلتها
بس دا كان متوقع من واحد زي دا
هاديه جات لي البيت تزورني وعرفتني بالي حصل
لما المحامي كلمها وعرفها
متزعلش
عادي مش هتفرق
حقك عليا انا السبب
متحمليش نفسك فوق طاقتها ..وبعدين انا زي الفل اهو قدامك والحمدلله ابتديت اتحسن
لحظة هرد ع الموبايل
ايوه يا امي ..عامله ايه
لا انا تمام ..مكنتش برد عشان كنت مشغول شويه
ايه اختي تعبانه
مالها حصل ايه
حصل امتى الكلام دا
وليه معرفتنيش
لا خلاص
