الشات الأخير

"في عز الليل وأنا جعان ومعايا أختي الصغيرة فتحت تطبيق الأكل ولقيت محل جديد اسمه طعم الڼار شعاره كان غريب 'مش هتنسى الطعم ده طول حياتك ' ما كنتش عارف إن الليلة دي هتغير حياتي للأبد "
كنا جعانين جدا أنا وأختي الصغيرة اللي كانت بتذاكر طول اليوم ونامت وهي على الطاولة الساعة كانت قربت على 130 بليل والبيت كان هادي بشكل غريب فتحت التلاجة وما لقيتش غير حاجات بسيطة ما تنفعش قولت أجرب حظي وأطلب أكل فتحت التطبيق لقيت محل جديد في المنطقة اسمه "طعم الڼار" شعارهم كان غريب "مش هتنسى الطعم ده طول حياتك "

طلبت وجبة مشويات متنوعة وحطيت العنوان خلال عشر دقائق وصلني تأكيد إن الطلب جاري التوصيل الغريب إن العنوان اتسجل بسرعة كأنهم كانوا عارفين مكاني قبل ما أكتبه! تجاهلت الفكرة وقلت يمكن التكنولوجيا الحديثة 
مرت ساعة وما حدش وصل بدأت أشعر بقلق فجأة جالي اتصال من رقم غريب الرد كان كالتالي
"إحنا تحت العمارة "
صوت الراجل كان غليظ هادي جدا بطريقة مريبة فتحت الباب وبصيت من البلكونة شفت عربية سودة واقفة على بعد خطوات من باب العمارة 
نزلت أستلم الطلب أول ما قربت الراجل كان لابس بدلة سوداء مش لايقة على كونه دليفري ماسك شنطة الأكل وكأنها أغلى حاجة في العالم لما سلمت عليه ما قالش كلمة بس كانت عينه مثبتة علي بشكل يخلي الډم يتجمد في عروقي 
رجعت الشقة وأنا حاسس بشيء غلط الأكل ريحته كانت مختلفة قوية بطريقة مش طبيعية بس أختي الصغيرة صحيت فجأة لما شمت الريحة كانت جوعانة جدا وبتحاول تفتح الأكياس لكني قلت لها تستنى حسيت إن لازم أشوف الحاجة الأول 
بمجرد ما فتحت العلبة الرئيسية لقيت حاجة غريبة اللحمة لونها كان مختلف ملمسها غير طبيعي وريحة التوابل كانت تغطي على كل حاجة كأنها متعمدة تخبي شيء فجأة تليفوني رن رقم غريب تاني
"عجبك الطعم"
قلبي ساعتها وقع لسه ما دوقتش حاجة إزاي يسألوني كده سكرت المكالمة وبدأت أراقب من الشباك العربية اللي كانت واقفة تحت لسه مكانها لكن المريب أكتر إن