الدجال

الشخص المريب دا قادر يبعتلي صور من الأوضة الي بتنام فيها "نور"
و مين الي واقف جنب السرير داه الموضوع مرعب 
القصة بدأت لما اتواصل معايا واحد معرفهوش أسمه " عاصم الدجال" هو اسمه كده على الفيس بوك كان عمال يبعتلي رسايل كتير اوي مفادها أنه عاوز يكلمني في مسألة خطېرة في البداية انا مكنتش حابب ارد عليه لأن اسمه مريب شوية والاكونت الي بيكلمني منه فيك بس اضطريت ارد بعد إلحاح كبير منه كان تقريبا بيبعتلي كل يوم رسالة بيطلب مني فيها ارد عليه ضروري 

بدأ كلامه معايا ب انه يعرفني كويس وعارف كل حاجة عني بل كمان قالي شوية معلومات ميعرفهاش غير اقرب الناس ليا هنا كان لازم افكر شوية ما اكيد دا حد يعرفني وبيحاول يعمل فيا مقلب اصل الي بيقوله داه ميعرفهوش غير كام واحد من دايرة معارفي لكن المشكلة ان قبل ما اواجهه وأقوله يجيب من الاخر ويقولي هو مين عشان الحوارات ديه قديمة كان بعتلي صورة من اوضة "نور" بنتي بعتها وقالي بنتك جميلة اوي ربنا يخليهالك مش عيد ميلادها ال كمان ٣ ايام بردو! اتمني ميكونش دا عيد الميلاد الأخير!
بصيت للصورة بمنتهي الذهول والإستغراب ديه هي فعلا اوضة نور من غير ما أفكر قومت جريت بسرعة على أوضة البنت اتأكد انها بخير فتحت الباب بمنتهي العڼف وانا مڤزوع عشان تصحي البنت مخضۏضة من صوت فتحت الباب جريت عليها حضنتها وهي مستغربة وجسمها بيترعش من إلي انا بعمله بس انا طمنتها وقولتها ان مفيش حاجة انا بس حلمت بيها حلم وحش وجيت جري اتطمن عليها نيمتها وغطيتها وخرجت من الأوضة التاني عشان مجرد ما اقفل الباب اتفاجئ ان نفس الشخص بيبعتلي تاني ويقولي
-انت اټخضيت كده ليه كده تخوف البنت وتصحيها من عز نومها
فضلت ابص حواليا وانا حاسس اني متراقب سألته انت مين وعاوز مني إيه و ازاي قدرت تدخل أوضة بنتي
رد عليا بإنه يقدر يدخل أي مكان في أي وقت يقدر يتحكم في الزمن ويغيره يقدر ېقتل من غير ما حد يكتشفه يقدر يحولني انا وبنتي لمسخ! تحب تجرب دا الي قاله بعد ما رص الكلام إلي في الأول 
الډم نشف في عروقي وحسيت ان اعصابي سايبة بنتي نور ماليش غيرها في الدنيا بعد ما والدتها اټوفت وهي بتولدها رديت عليه بسرعة وانا صوابعي بتترعش وانا بكتبله 
- لا لا ارجوك مش عاوز اجرب شوف انت عاوز مني إيه وانا هنفذه
لو مكنش بعتلي صورة من اوضة بنتي وهي نايمة فيها كنت ممكن اقول ان الموضوع مقلب بس الصورة كانت بنفس الوضعية الي دخلت لقيت نور نايمة عليها الي اكدلي اكتر ان الموضوع مش مقلب ان الصورة اتبعتت الساعة ٤ والمنبه الي كان جنب نور على السرير كانت الساعه فيه ٤ في الصورة يعني مبعوتالي في نفس الثانية الي اتصورت فيها يعني هو كان موجود في الأوضة فعلا الموضوع مرعب
رد عليا بإنه محتاج انفذله شوية طلبات وبعدها هيبعد عني و عن بنتي وهيخرج من حياتي بس دا مش هيحصل قبل ما أنفذ الطلبات ديه 
بدون تردد رديت عليها وقولتله هنفذ الي انت عاوزه اي كان بس ارجو بلاش اذية لبنتي 
بس طلب مني شئ غريب شئ صعب إن انفذه
انا شغال فني مختبر لتحليل الحمض النووي () في مؤسسة كبيرة