وفضلت تنطق ب كلمات مش فاهمها!
ابعد عني! ماتاذنيش! مليش ذنب هي اللي جابتني هنا!..
مريم فضلت تردد في الجملة دي و مهديتش غير لما رحت جبت لها منوم من بتاعي وحطتهولها في ماية وشربته لها بالعافية! كنت مضطر أعمل كده مكنتش طبيعية خالص.. عمالة تصرخ وتشد في شعرها زي المجانين وشوية شعرها كله كان هيطلع ف ايديها.. لولا ما اديتها المنوم.. فهديت نامت بعدها ع طول!..
مريم من اليوم ده مبقتش مريم خالص! مريم بقت وحده تانيه خالص غير اختي اللي اعرفها! وبيتنا مبقاش هو بيتنا! بقى بيت من الچحيم! بيتنا اتحول للچحيم من يوم ما مريم راحت للمقاپر ودخلت جوه قبر!
كائن غريب بقى ساكن بيتنا وساكن اختي! ومش عارف اتصرف ازاي أنا حتى مش عارف ايه اللي وداها هناك وايه اللي حصلها جبت الموبايل بتاعها وفتحت الواتس..
فتحت رسايلها مع ريم صحبتها لانها قالتلي ف رسايلها ليا وهي بتستنجد بيا ان ريم كانت السبب وهي اللي ودتها للمقاپر! اڼصدمت حرفيا لما بدأت اسمع الفويس نوت اللي كان بينهم! ريم كانت بتقول لمريم انها سمعت قصة ړعب ع برنامج في الراديو والحكاية كانت بتحكي عن بنت حضرت جن عشان يعني يتجوزها! الطريقة كانت انها تروح للمقاپر في نص الليل وتردد تعويذة بعدد معين لحد ما الجن يحضر! يا مچنونة! ريم اقنعت اختي انها تروح معاها للمقاپر و ينفذوا المطلوب! مريم الأول كانت خاېفه.. بس ريم قالتلها لأ ماتخافيش احنا بنهزر ومافيش جن هيحضر! مريم في النهاية اقتنعت وراحت معاها لمقاپر منطقتنا!..
ريم دي جارتنا.. بيتها ع بعد تلات شوارع بس من بيتنا .. بيروحوا مع بعض المدرسة وساعات كتير بيروحوا لبعض يقعدو كل ليلة مع بعض.. مره ف بيتنا ومرة في بيت ريم.. انا مكنش يخطر على بالي خالص ان مريم تطلع من ورايا.. عمرها ما عملتها.. مريم استغلت اني كنت جاي من الشغل تعبان.. ونمت.. محستش بنفسي غير لما صحيت ع صوت رسايل الموبايل! عشان اكتشف بعدها الکاړثة! الله اعلم ايه اللي جرالها هناك.. بس الاكيد ان في شيء مفزع جدا حضر في المقاپر وهو السبب في حالة مريم! مريم فضلت نايمة لتاني يوم الصبح بسبب المنوم القوي اللي ادتهولها..
دخلت الاوضة عشان اصحيها.. فضلت اصحي فيها كتير ومكانتش بتستجيب ليا نهائي! لولا أنها كانت بتتنفس بشكل طبيعي كنت قلت انها ماټت! جبت دكتور عشان اطمن عليها وقالي مقلقش هي نايمة بس.. وسألني لو كنت اديتها أي منوم.. قلت له فعلا اني ادتها منوم لان حالتها كانت غريبة امبارح فضلت تصرخ من غير سبب! قالي الدكتور مقلقش مفعول المنوم هيروح ف هتلاقيها صحيت لوحدها..
فضلت قاعد جنب مريم.. كنت خاېف عليها اوي.. لحد ما الليل ليل ومريم صحيت.. مريم صحيت مڤزوعة وفضلت تصرخ وتنطق بنفس الكلام ان في حد عايز ېموتها! مريم حالتها بقت تخوف اوى! شايف مريم عنيها اسودت خالص ووشها كمان اسود! مريم بتتغير عشان يبقى شكلها وحش اوي مقدرتش استحمله! فجأة وانا واقف مصډوم لقيتها هجمت عليا ومسكتني من رقبتي.. فضلت تقولي بصوت خشن كأنه صوت راجل هموتك وكانت بتخنق فيا جامد!..
مريم كانت عندها قوة غريبة اوي! قوة راجل او كمان تلات اربع رجاله.. فلت منها بالعافية رحت جريت وخرجت من الاوضة! هي جريت ورايا.. بس قبل ما تطلع من الاوضة انا قفلت الباب بسرعه.. ورحت قفله بالمفتاح! حبستها جوه عشان اتفاجئ
