جميلة و لكن
دراستي
_ قالتلي والله انتي وشطارتك بقى حاولي تقنعيه يوافق تكملي تعليمك بعد الجواز ما عندك اخوكي محسن اهو خلي مراته تكمل تعلمها بعد الجواز عادي
ها قلتي ايه يا جميله يا بنتي الناس عاوزين رد
_ قلتلها طيب ياماما سبيني افكر
الصراحه انا ياسر كان عاجبني واستغربت ان صورته ما فرقتش خيالي بس انا كان نفسي احب واتحب كان نفسي اروح الكليه واتعرف على شاب واعيش قصه حب رومانسيه
_ مامت العريس اتصلت وبتقولي انه عاوز يخرج معاكي بره علشان تتعرفوا على بعض اكتر
_ قلتلها لوحدنا
_ ما انا مقدرش اقول لحد من اخواتك حيرفضوا وحيفشكلوا الجوازه
ايه رايك اجي معاكي انا وطنط ام احمد ونقعد في اي مكان عام
_ مش عارفه يا ماما اللي تشوفيه
وفعلا ماما ومامته حددوا معاد كان في كافيتريا على النيل وماما ماجتش معايا كانت تعبانه و جارتنا ومامته هما اللي جم معانا ولما وصلنا قعدوا هما على ترابيزه وانا وياسر على ترابيزه تانيه
_ شكرااا ربنا يكرمك
ياسر وهو بيبتسم ابتسامته الساحره برده مكسوفه.... عارفه يا جميله انا اللي شدني ليكي مش جمالك لا كسوفك ده ونظراتك البريئه دي
_ قعد يحكيلي حجات كتير من اول لما اتولد لحد لما قرر انه يتجوز ونزل اجازه علشان يشوفني بعد ما طنط ام احمد حكتله عني
وفعلا نفس اليوم بليل لقيته بيتصل وفضلنا نتكلم وانا سعيده ومبسوطه اول مره احب حد اول مره حد يكلمني في التليفون اول مره حد يحسسني اني أنثى مش لسه طفله خايفين عليها
وهو صامد مش بيسالني خالص وكانه قاصد يعلقني اكتر بيه
وقبل ما الشهر يخلص بيومين لقيت ماما داخله عليا وبتقولي
_جميله يا بنتي ياسر ومامته جاين بكره يقدموا الشبكه ونعمل خطوبه على الضيق كده
_ يا بنتي ياسر خلاص إجازته خلصت ومفروض يسافر اخر الاسبوع وبعدين ما انتي وهو كل يوم تتكلموا وبقيتوا زي السمنه على العسل عاوزه ايه تاني بقى
_ طب هو ياسر عارف الكلام ده
_ الله طبعا يا بنتي امال حنعمل الخطوبه من وراه
_ طيب يا ماما مش حنلحق بكره ازاي بس
_ اخواتي... صحيح يا ماما دول استحاله يوافقوا وحيزعلوا ازي ماشفهوش ولا قعدوا معاه قبل كده
_ ملكيش دعوه انا كنت قيلالهم ان في عريس متقدملك وحكيالهم وبكره حتبقي قعده تعارف وقرايه فاتحه بالنسبه لهم
علشان ظروف سفر العريس
سبت ماما وانا مش مستوعبه هو بكره بكره انا وياسر حنتخطب طيب ليه هو مقليش جريت على تليفوني لقيت رساله منه اول مره يبعتلي رساله الرساله كانت كلمه واحده
بحبك
مش عا رفه ليه دموعي نزلت..... حسيت احساس غريب اول مره راجل غير بابا حبيبي يقولي بحبك اول مره احس اني فرحانه وحاسه بالأمان مع راجل تاني غير بابا
قلبي فضل يدق لحد ما لقيت تليفوني بيرن... هو ياسر
قالي ايه رايك في المفاجأه دي
_ انت ازاي تحدد الخطوبه من غير ما تاخد رايي
_ طب ما انا عارف رايك
_ ياسلام طب
