لعبة حب
حاجة ايه! حسيت انك بتحبها
مالك انا بحبها فعلا بس زى اختى وبنتى مش حب اللى ف دماغك لا ثم انى هقولك بس متضحكش
عاصم بضحك قول
مالك حسيتها كبيرة يعنى يعنى بتول مش طفلة وانا بتعامل معاها كأنها طفلة لقيتها بتتكلم برومانسية واحساس شدنى اكمل واشوف هى هتعاملنى اذاى وبقى عندى فضول جدا اعرف اللعبه هتمشى اذاى
ان بتول الوحيده هى ولعبتها اللى هتعرف تخرجك من مود الحزن وتنسيك فرح
مالك بحزن ياريتنى اعرف انسى فرح انا بمۏت ياعاصم انا اتكسرت والمفروض أكمل عادى وانزل شغلى وابقى مالى مركزى ومكانى عشان انا راجل والراجل مبيعيطش ومبيتكسرش من حب مين قال كدا ياعاصم! هو احنا معندناش قلوب
عدى تلات ايام واحنا فى لعبة حب انا بس اللى بعرف العبها وهو مره متفاعل ومره مش عارف ومره مصډوم وانا بتكلم قدامه بس مرتاحه عارفين لما كنت اصلى وادعى ربنا ليل ونهار احب واحد زى مالك وفجأه مالك يبقى حبيبى هو بذات نفسه عارفه عارفه انه تمثيل بس الفكره نفسها تخليك طاير ف السما
فى اوضتى ياكوكو
يختااااى انسى كلمه كوكو دى!
مالها بس!
حبيبتى انا لسنى ولا مركزى ولا صحتى برضو يسمحولى بكلمه كوكو دى
خففت صوتى
بس انت أجمل كوكو واشطر كتكوت واحلى بيبى وروحى وعمرى وكل حياتى
احم انت اول ما بتخففى صوتك كدا وبتتكلمى بالراحه كدا بعرف انى هتثبت جامد اوى وانا ضعيف قدام الكلام ده يعنى انا مكنتش خاطب تقريبا انا اخر مره اتغزلت فيا كان عندى عسرين سنه ابن خالتك غلبان اوى يابت ياتوتا
تؤتؤ متجيبش سيرتها خالص وانسى انت اللى كنت خاطبنى من 13سنه انا مش هى وانسى خالص فرح
حاضر انا يعنى قولت يعنى
ضحكت برقه
توتا هو فى حد جمبك!
لا بتسأل ليه!
سمعت بنت بتضحك
ضحكت تانى
انا ياكوكو اللى بضحك
انت كمان غيرتى ضحكتك
هى وحشه ولا ايه !
اتكلم بصوت هادى طبيعته يعنى بس كان اخف وكان باين انه متوتر وخجول
الله واكبر دا احنا رجلينا خدت ف الحوار
احم احم فصيلة فصيلة
لا لا ارجع تانى يلا يلا بليز
لا خلاص بقولك هو انا حجزت ف فيلم ر رومانسى يعنى ف ف موافقه تروحى!
لو لاخر الدنيا هروح معاك وانا مغمضة
طيب هسيبك تجهزى وبعد نص ساعه بالظبط هكون عندك
يالله لو كان دى حقيقة حقيقه! ايه دا! حقيقه اذاى فوقى يابتول دا باباك واخوك دى لعبة تمثيل اوعى تنسى وتتوهى
عنيا وقعت على شبكه فرح الموجوده على التسريحه وبقى عندى فضول اعرف هى ذوقها ايه! وايه الحاجات اللى جيبهالها مالك !
الله دبلتها اللى محفور اسم مالك عليها قسيها بقا وشوفى ف ايدك احلى ولا ايديها! لا طبعا عيب وميصحش ميصحش ايه بس دا مالك إمبارح قال لى خليهم عندك بيعيهم ولعى فيهم براحتك استخدميهم يعنى ادانى اذن سيبك انت حتى لو مداكيش كنت هتجربى
حطيت الدبله ف ايدى اليمين وقعدت اتأمل منظرها جميلة مۏت فى ايدى الله لو اتخطبت دى جايه على مقاسى بالتمام مع انى ارفع من فرح بمراحل ينهار مش فايت انا نسيت ان مالك جاى بعد نص ساعه
بعد ساعه مالك بيقرع الباب
ياتوتا هنتأخر يابنتى
خلاص خلاص خمس دقايق بس هلبس الشوزه
طلعت لابسه فستان اسود طويل مهو الاسود عليا حوار برضو وشعرى حواليا اه مش طويل زى بطلة الروايات بس طوله متوسط ولونه الاحمر اللى بيديله جمال قوى واكتفيت ان احط روج احمر وبرفان وخفيف مناسب كنت شايفه انى اجمل بنت ف الدنيا طالعه مع حبيبها لفيلم رومانسى
بسم الله ماشاء الله ايه دا بتول معايا !
اتعصبت
لاء امها ياخفيف
انت احلويتى كدا ليه ياخالتو
روح يامالك مش هخرج مش هخرج
خد فتره متنح لى بطريقة غريبة
هو بسم الله ما شاء الله وكل حاجة وكدا بس انا نفسى أسالك سؤال
ايه!
انتى كبرت
