لعبة حب

على كل كلمه بتقولها توتا حتى اساله كدا وحط ايدك على قلبك هتلاقيه قالك تك دوم تك دوم 
ضحك وحط ايده على قلبه واتكلم بمزاح
اه فعلا انا سمعت تك دوم هل عندك قاموس يادكتور مجدى يعقوب نفهم لغه قلبى!
اتنهدت وبصيت ف عيونه بعمق شديد ومسكت ايده
ادى البيضة وادى اللى سلقعها 
سلقها وقشرها
ايه بس ارحمنى يامالك 
ماانتى ماسكه صوابعى زى اللعبه ياتوتا الله 
هلاعبك لعبه غيرها بص الترجمه بقا بتاعت تك دوم
المايك معاك يادكتور مجدى يعقوب اتفضل 
مسكت صابع الابهام وشاورت عليهم بالتدريج
التك 
التاء تسمع 
الكاف كلامى  
اما الدوم 
الدال دا انا  
الواو وعيونى 
الميم مدمنين بيك وبنموت ف هواك 
يعنى تسمع كلامى دا انا وعيونى مدمنين بيك و بڼموت ف هواك
بص لى بزهول وضحك وسقفلى 
برافووووووو تم التثبيت بنجاح انا لاعب جدا يعنى ايه العظمة دى ماهذه العظمة يافنانه عظمة على عظمه ياست 
مالك 
مالك ايه بس قوليلى يابيبى كدا واقعدى دا الحوار طلع جامد اقعدى بس دا انتى اندمجتى جامد 
مالك انت عجبك الحوار كدا ليه مره واحده !
مش عارف بس حسيت انى حابب اتفرج عليكى فهمانى 
ضړبته على صدره 
هو انا ارجوز!
مش قصدى كدا بس وانت بتتكلمى حسيتك عايشة مود بجد ف انا عايز اكمل معرفش فى حاجه جوايا قالتلى اكمل 
بتول انت فوقت ياحبيبتى الحمدلله على سلامتك ياعمرى
شكرا ياماما الله يسلمك 
طيب يلا ياحبيبى وسيبى مالك يرتاح عشان انت استوليتى على سريره وهو من ساعت م رجعنا ف المستشفى وقاعد جنبك كدا ومرتحش ودا غلط عليه 
بصيت له وعيونى لمعت كدا هو فعلا جنبى من ساعت مارجعنا كل مره بحس بخوفه عليا بحس بحركة ف قلبى غصة غريبة كدا 
انا همشى 
خدى بالك من نفسك ياتوتا 
مش هتقولى حاجة تانى 
زى ايه!
خدى بالك من نفسك ياروحى ياعمرى يابنت قلبى كدا يعنى 
خبط ب ايده على راسه كدا 
اللعبه اه صحيح نسيت خدى بالك من نفسك يابنت قلبى عشان حبيتها 
احم مالك 
ايه تانى 
قولى بحبك كدا 
اټصدم وعنيه وسعت وقشعر جبهته
ايه اقول ايه
بحبك قولى بحبك 
ايه الطلب الغريب ده 
دا جفاف عاطفى معلش اعوض الفتره اللى فاتت بس
بص لى وضحك
هو جفاف فعلا بس مش عارف انطقها دا انا اخره مره قولتها لفرح كانت فى اولى جامعه يعنى من 13سنه كدا
ابتسمت ابتسامه صفرا 
هأجر حد احسن منك اصلا انا ماشيه باى 
انتى مصېبة فعلا باى 

صباح يوم جديد
صباح الخير يااحلى كوكو ياكتكوتى النوتى الصغنتوتى 
سمعت أصوات ضحك كتير جدا وأصحاب مالك وهما بيقولوا له رد ياكوكو 
اقفلى دلوقت لحسن اعمل منك بوفتيك 
قفلت وانا مش فاهمه غير انه هيتحفل عليه جامد جدا فى الشغل بتاعه

انت لحقت لحقت!
طبعا لو حلفتلك ان دا حوار مش هتصدق 
اصدق ايه يامالك انا يابنى مش كنت معاك إمبارح بواسيك واطيب ف خاطرك عشان موضوع فرح لحقت اسيبك تكلم بنات بتقولك ياكوكو 
منك لله يابتول استنى اشرحلك 
اشرحلى ياكوكو
مالك بعصبية خفيفه
ولا انسى حوار كوكو ده نهائى كفايه منى وطارق سمعوا وهيعملوا حفله على قفايا متبقاش انت كمان 
عاصم انا مصډوم فيك يامالك مصډوم 
مالك ياعم الاوفر اهدى بس دى بتول 
عاصم احم بتول بنتك اقصد بنت خالتك 
مالك صډمه صح ايوه هى 
عاصم انتوا ارتبطوا! 
مالك انت بتقول ايه ارتبط ببنتى انت اهبل دى لعبه حب 
عاصملعبة حب!! انت بتحور على صاحب عمرك يامالك دا انا اخوك دا انا عشرة عمرك
مالك ياخى مش حارق دمى ولا حد بيطلعنى عن شعورى إلا الاوفر بتاعك ده احنا بنمثل اننا بنحب بعض فكرة مچنونة كدا هى نفسها تعملها وانا عملتهالها وبعدين انت عارف بتول ياعاصم مجنونه وكل يومين بحال 
عاصم بنظرة خبيثة وانت حنين وبتوافق على افكارها صح!
مالك ايه نظرة الخبث دى لاء انا اكيد مش هوافقها على چنونها بس حبيت اصالحها 
عاصم بنفس نظرة الخبث بس! كان ممكن تصالحها بشيكولاته او خروجه حلوه 
مالك بضيق انت عايز ايه ياعاصم 
عاصم انت وافقت على اللعبه ليه يامالك وياريت بصراحه 
مالك مش عارف ياعاصم انا فجأه لقيتنى بقولها هصالحك ب لعبة حب لقيتها اندمجت وبتعاملنى كحبيب اتوترت وكنت هفركش اللعبه بس حسيت بحاجه غريبه بتشدنى ناحية بتول 
عاصم