لقاء بدون تخطيط
يكون الحزن ملا قلبو ياحبيبي.
طب استأذن علشان ماما هتقلق عليا كدا واشوفكم في وقت تاني
طب استني انتي ساكنه فين.
كان صوت الشاب ملاحقني ومقدرش يمشي ورايا علشان ماسك التاني وأنا جريت حرفيا لحد مطلعت بره المستشفى وركبت علشان أروح وصلت البيت على اذان المغرب لاقيت ماما وشها كلو ضيق
كنتي فين ياهانم عايزه تنزلي مش تتنيلي تقولي اي ملكيش كبير
أنا اسفه بجد احتاجوني في الشغل ادتهم روق ورجعت
خلاص يا زينب غلطه ومش هتكررها تاني
قالها بابا بعد مبصلي بعتاب لاني مش متعوده انزل من غير مقولهم وسببتلهم قلق كبير خصوصا بعد الي حصل قدام ماما قبل ما اختفي من البيت.
الليل جه والشارع واصوات الأطفال اللعب فضلت اشغل نفسي بالزحمه وأنا في البلكونة انتبهت لحد قاعد جنبي بصيت براحه لاقيتو هو
مقدرش زي مقولتلك محدش يقدر يشوفني
ويسمعني غيرك عارفه بص روح دور أكيد هتلاقي
ملقتش أنا بقالي ست شهور بدور متخيلا
لحظه أنت في غيبوبة من ست شهور.
اه
لحظة تاني أنت شكلك من عيله كدا مقتدره اي بيت السيده دا
دا بيت والدتي الله يرحمها
قالها بصوت حزين فسكت شويه وأنا ببص عليه وبدقق في ملامحو قمحي بدقن مترتبه وسيم منكرش عينو سودا وشعرو ناعم واسود بردك ضحكت ڠصب عني لاقيتو ضيق حواجبه وبصلي بأستغراب
لا ولا حاجه اصلي افتكرت حاجه كدا
وشه اټهجم وقالي
اي الحاجة دي.
اصلي افتكرت اغنيه حسين الجسمي اسمراني عيونه سودا واد جدع راضي ورجوووله
وفتحت في الضحك وأنا مش فاهمه مالي لاقيتو ابتسم بهدوء وهو باصصلي
تافهه.
شهقت وأنا بقولو پصدمه
انت بتشتمني.!
أنا مشتمتش دي صفه فيكي عادي
اتكلم وكأنه بيقول حاجه بديهيه ضيقت عيني وأنا بقوله
عينه وسعت وهو بيقول پصدمه
انتي بتشتمني.!
أنا مشتمتكش دي صفه فيك عادي
قلتها بيبديهيه زيه بالضبط لحظه صمت قبل منضحك احنا الإتنين جامد
قولي بقى اي حكايتك.
سكت شويه وكأنه بيحاول يرتب الكلام الي هيقوله
أنا يحيى علوان والدي الي شفتيه انهارده في المستشفى والي كان معاه أخويا مراد اما البنت كانت شاهندا خطيبتي.
ايوووه خطيبتك ليه بقى خلتني اقول إني خطيبتك وهى خطيبتك.!
سكت وملقتش اي كلمه اقولها من الصدمه لاقيته كمل كلامه وبيقول
هى تبقى قريبتي يوم الحاډثه سمعتها بتتكلم هى وصديق ليا عن ازاي تاخد مني اكبر قدر من الفلوس وبعدها تفسخ الخطوبه بأي مشكله ويتجوزو هما.
علشان كدا رحت بيت السيده في يومها.!
كملت كلامه وأنا بفتكر حديث والده وهو بيقول إنه بيروح لما يكون حزين هناك وافق براسه
