لغز بتول
نفسى إننا نرجع بس تغير طريق
قاطعتها فى الكلام لان دى رابع مرة تلمحلى والنهارده قالتلها بالفم المليان نفسى نرجع.. بس بشروط هى هى متغيرتش..
_ هايدى احنا زمايل حلوين فى الشغل وانت مديرتى وبىه مع الشلة احنا برضو أصحاب حلوين وبس.. انا مبتغيرش علشان حد ياهايدى انت لغايت دلوقت مش فاهمه الحب الحب
_ هايدى انت مش ملاحظة إننا فاسخين الخطوبة من سنتين وانت كل ماتشوفينى متعصب تقولى الجملتين دول ..هما مين اللى بيسألوكى بعد سنتين !
بتول أمين إتوظفت هنا من سنتين لما كان أستاذ ماجد هو المدير.. وماجد قال لى إنها بنت ممتازة وهى بنت صاحبه.
_ واسطة يعنى!!
لا البنت الشهادة لله ممتازة وال CV بتاعها هايل هو وقتها كانت الشركة بتاعته مش كبيرة بالشكل الكافى من حيث المبنى وهى ظروفها واللى فهمته انها مريضة ومبتحبش التجمعات والدوشة وبتفضل الشغل فى البيت وإدارة الشركة كانت بتسمح بده ف فين الواسطة فى الموضوع
علمى علمك بس هل لو مختلة او غير متزنة هتعرف تشتغل أو هيسمحولها بالشغل أصلا .. اكيد لاء.
_ اوكيه بكره نعرف.. انا هلحق بقا أروح وأجهز المشاريع علشان متأخرش عن مواعيدى على الست بتول المنظمة.
الساعة الخامسة مساءا
_ مساء الخير ياعمى انا أمير كامل كنت جاى علشان الشغل مع أنسة بتول.
أهلا يابنى أتفضل هى فى إنتظارك فى اوضة أخر الطرقة هنا اللى فيها البلكونة دى مقر الشغل بتاعها ..أستأذنك بس أحضرلك حاجة تشربها
_اتفضل طبعا بس هو ملهوش لزوم متتعبش حضرتك.
ياباسم قلقان من إيه انا مش خاېفة انا بس متوترة ومضغوطة ودا أمر طبيعى لكن اللى مش طبيعى هو تصرفك انت وبابا وباسل الموضوع أبسط من كدا هيعمل الشغل ويغور متخافوش.
أغور!! دا انت يومك إسود.. لحد ما لقيت عم أمين ورايا يانهار إحراج.. وبيقول بصوته الرخيم..
احم احم ايه دا اس استاذ أمير .. اتفضل طبعا.
أتفضل.. إيه ما انا كنت شوية وهيغور من شوية.. باسم أخوها الكبير سلم عليا وكان برضو وجهه مليان قلق وتوتر.. أكيد فى حاجة غلط أنا مش فاهمها.. واستأذن أما والداها فكان جالس أخر البلكونه الطويلة أوى دى بيترقبنا بحرص شديد قعدنا
