عمر و ليلى

الجوازة باظت يا انشراااااح.
الشړ برا وبعيد بطل يا بومة إنت.
مدام بنتك ده منظرها يبقى باظت.
الواد عنده حق برضه يا زينب بنتك ولا اللي مڠصوبة عالجوازة يختي.
أهو حتى خالتو خدت بالها.
يا جماعة مڠصوبة إييه ده هي اللي أصرت تكتب الكتاب مع الخطوبة.
بنتك هتبقى مطلقة يا زينبووو.
قوم يا واد من هنا بعد الشړ عليها.
كنت سامعة الحفلة اللي شغالة عليا برا وأنا قاعدة مع عمر.

فاكرين الجوازة باظت برا.
ماهو الصراحة يا لولو منظرك كان يوحي إنك بتكتبي الكتاب تحت ټهديد السلاح.
عمر أنا فهمتك السبب.
أنا فاهم بس هما مش هيفهموا ده.
كنت لآخر لحظة مستنياها تيجي.
بس إنتي غلطانة بوظتي اللحظة اللي أى بنت بتتمناها علشانها.
ڠصب عني سامحني يا عمر إنت يدوب أول مرة أشوفك كانت من شهر بس هي عمري كله معاها فرحتي إن بقيت معاك مقدرتش تتخطى زعلى على غيابها.
للدرجادي غالية عندك
فوق ما تتخيل.
بس للأسف إنتي مش غالية عندها زى ماهي غالية عندك.
أكيد عندها ظروف منعتها.
إفضلي طلعيلها في مبررات لحد ما تفقدي كل لحظة حلوة بتعيشيها علشان خاطرها.
سرحت في الجملة اللي قالها والوقت كان إتأخر وهو قرر يمشي ويسيبني أنا ودماغي لبعض طبعا مسلمتش من كلام ماما وأخويا بس كنت في عالم تاني حرفيا وأنا بسمع.
ليه
بعتلها الرسالة دي مكنتش عارفة صح إن أبعت ولالأ بس حسيت إن هكون مرتاحة لو عملت كده حتى لو مش هو الصح الرسالة موصلتش كالعادة قافلة الموبايل.
ممكن أدخل.
تعالا يا زياد.
إنتي عارفة إن أنا وإنتي صحاب طول عمرنا بس حقيقي اللي حصل النهاردة خلاني مش فاهمك إنتي رافضة عمر طيب
بالعكس عمر شخص جميل وأصريت أكتب الكتاب علشان ضوابط الخطوبة.
طب أمال إيه اللي كان قالبك بالشكل ده كل الناس خدت بالها.
وأكيد كل الناس برضه خدت بالها من غياب سلمى.
يعني هو ده اللي عامل فيكي كده
وهو ده قليل يا زياد أنا بجد مش فاهمة ليه كده ليه نوصل للنقطة دي أنا حقيقي مش فاهمة أنا عملت إيه ولا حصل إيه علشان يتعمل معايا كده اليوم اللي خططنا ورتبنا سوا علشانه محضرتهوش..
لو بتحبك مش هتسيبك لدماغك لو بتحبك مش هتسيبك أصلا توصلي للنقطة دي بس نصيحة مني بلاش تضيعي لحظاتك الحلوة وتفقدي كل حلو علشانها هتلاقي نفسك ندمانة في الآخر.
تصدق عمر لسه قايلي كده برضه!
صحاب بقى يستي.
زياد خرج وأنا قررت أهرب من أفكاري وأنام الحل المثالي لكل مشكلة بقع فيها.
إيييه النوم ده كله إنتي صدقتي إنك إتجوزتي ولا إيه ده كتب كتاب بس.
فيه إيه بس يا ست الكل.
إنتي عارفة الساعة كام دلوقتي!
كام
الساعة ١٢.
يعني لسه ساعة عالضهر طب سبيني أنامها.
دقيقة واحدة لو مجتيش ورايا إنتي حرة.
عڼيفة أوي زوزو.
قمت وراها ولقيت زياد غايب من الشغل ودي حاجة مبتحصلش تماما.
إنت كويس عندك سخونية طيب.
إيه يا جماعة مش من حقي أفصل من الشغل ولا إيه!
إفصل يا حبيبي وماله بس عمرك ما عملتها.
وخدت أجازه أسبوع كمان.
لأ كده إحنا ناخدك عالمستشفى بقى.
يلا جهزي شنطة هدومك علشان عمر جاى.
عمر جاى لحد علمي إننا كتبنا الكتاب مش عملنا فرح إنتو جوزتوني وعملتوهالي مفاجأة ولا إيه
لأ مش للدرجادي.
أمال ألم شنطة هدومي وأروح معاه فين فينك