عمر و ليلى
يا حج خلوه يجي يسمع الكلام ده.
هنسافر أنا وإنتي وعمر رحلة.
وإنت جاى ليه
نعم يا عنيا
واحدة وجوزها مسافرين جاى معانا ليه يا عزول إنت!
إصطبحي وقولي يا صبح يا ليلى بدل ما أقلبها نكد فوق دماغك.
الرحلة دي فين
مش لازم تعرفي إنتي مع أخوكي وليييييي أمرك وجوزك يعني عاوزة أكتر من كده إيه تاني
مسألتش حاجة تاني فيهم الخير والله خليني أفوق شوية وأفك عن نفسي ياكش أفك فعلا.
لازم أتصور بيهم كلهم على البحر.
بحر هرميكي فيه إن شاء الله.
جوزي قرة عيني هينقذني.
جوزك قرة عينك بيحبني أنا أكتر حد.
بكرا أخليه يسببكم ويبطل ينزل يقعد معاكو عالقهوة.
ممكن يسيبك إنتي شخصيا ولا إنه يبطل يقعد عالقهوة معانا.
جهزت الشنط وخدتها كلها رغم أنف المعارضين واللي يعرف يسيطر عليا يفرجني.
هقعد قدام جانب جوزي.
جوزك في عينك محدش هيقعد قدام غيري.
إحنا كاتبين الكتاب إمبارح لو مكنتش واخد بالك يعني.
أه مانا شفتكو كنتو حلوين ماشاء الله.
وده ملفتش نظر حضرتك لحاجة
أصل نظري ضعيف فكروني أعمل نضارة وإحنا راجعين يلا بقى يا لولو يا قمورة إدخلي على كنبتك ورا.
وفعلا قعدت ورا أخويا طول عمره مطلع عيني وعارفة إن عمري ما هشم نفسي في وجوده على قد ما إحنا صحاب أوي بس ممكن يغفرلي أى حاجة إلا الغيرة.
مبتحبش المشاريب.
الكلام ده صح يا لولو
ما تلم نفسك إسمها ليلى.
لأ مش صح عاوزة أشرب نسكافية.
والله
أه والله.
طب مفيش مشاريب لحد خالص بقى.
روق يا زيزو.
والله لاروقكم إنتو الاتنين.
يا عم ده أنا صاحبك الأنتيم ودي أختك الوحيدة يعني عاوز إيه تاني من الدنيا
يعني أسيبها تتسرمح معاك علشان صاحبي
مرااااتي والله العظيم مراااتتيييي.
لأ إزاى ودي تيجي إفتح الجي بي إس يا زياد إفتح خلينا نتنيل نمشي سديت نفسي.
هو ده الكلام التمام.
سندت راسي عالشباك وسرحت في الطريق كانت عادتي المفضلة طول الوقت سرحت في سلمى وذكرياتنا لحد الموقف ده كنت بستغرب إزاى إتنين تجمعهم صداقة قوية ممكن يسيبوا بعض ويبقوا لوحدهم كل واحد لوحده بعد ما الاتنين كانوا واحد سلمى كانت أختي اللي ماما مخلفتهاش كانت معوضاني عن حاجات كتير بس ليه بجد ليه فجأة!
وإنت مالك تسرح في اللي تسرح فيه.
زياد وعمر كانوا كده طول الطريق بس أنا كنت برا المود حاسة إن مش قادرة أمثل أكتر من كده..
الجي بي إس قطع.
ده إزاىإحنا عالطريق مستحيل.
أنا هتجنن كل الشبكات قطعت.
إستنووا هجرب موبايلي.
جربت وفعلا لقيتها واقعة تماما..
إزاى ده طيب
أكيد مقصودة مستحيل تكون دي حركة طبيعية عالطريق.
يعني للأسف إحنا وسط حدث متدبر هنا ممكن مش متدبر لينا على وجه الخصوص بس إحنا وقعنا فيه.
طب وهنعمل إيه!
مش عارف حقيقي.
أنا هنزل أدور في المكان.
لأ إوعا يا زياد تنزل.
طب هنزل أنا.
لأ بلاش إنت كمان.
لازم حد فينا هينزل أنا هنزل أشوف.
بلاش يا زياد علشان خاطري.
خليك مع أختك يا زياد هنزل أنزل.
سيبت عمر ينزل معرفش ليه خۏفت على زياد أكتر حسيت إن قلقانة عليه أوي الأخ مهما كان له مكانه تانية تختلف عن العالم
