ماذا بعد
شايل له الخير فين.
يعز على الواحد بعد التعب والشقا اللي شافه علشان يأخد شهادة ويأخد كورسات وفي الآخر ميشتغلش بشهادته بس الأمر متروك لله وهو يدبره.
قولت وأنا خلاص سلمت أمري لله ماشي يا عمي.
أقولك حاجة يا ابني
طبعا اتفضل دا أنا بحبك وبحب كلامك.
طول عمري بحب سورة الضحى و كنت فاهم آية و للآخرة خير لك من الأولى غلط و لما عرفت معناها حبيتها أكتر و أكتر.
ألم يجدك يتيما دي الأولى فآوى دي الآخرة
و وجدك ضالا الأولى فهدى الآخرة
و وجدك عائلا الأولى فأغنى الآخرة
ربنا بيقولنا إنه هيجازينا و يفرحنا كلنا عن أي حزن أو ألم مرينا بيه
فكرة إن ربنا هيجازينا وهيدينا ويكافئنا على تعبنا دي مريحة وبتبين لنا قد إيه ربنا رحيم بينا وحنين علينا.
عم عابد كلامه واستشهاده بكلام ربنا وأحاديث الرسول صلى الله عليه حاجة بتطبطب على قلبي وكإن ربنا باعت ليا علشان يهون عليا.
المهم تعالى بقى بما إننا في أول اليوم يلا نروح كدا الورشة و أشوف بقى هتنفع معانا ولا لاء.
إحساس إنك ناجح إنك تتشاف شاطر ومنجز تتشاف ويتقال عن محاولاتك وإنجازاتك ويتفرح لك بيها دا جميل ربنا كتب لي أشوفه وأحسه زي ما أنا حاسه دلوقتي.
الأمور بدأت تبقى أفضل وأهو الحمد لله اللي إتغير إني بقيت راضي يمكن موضوع أهلي مازال مضايقني بس بحاول اتعايش مع الأمر أصل الموضوع مش بيتنسي الحاجات اللي بتوجعنا مش بننساها إحنا بنحاول نتعايش معاها.
ضحكت وفرحت من كلامه شكرا يا صاحبي شكرا علشان أنت وأهلك وقفتوا معايا في وقت أهلي نفسهم مكانوش معايا شكرا إنك متحملني..
يا عم متقولش كدا أنت أخويا مش كفاية إني لما تعبت في فترة الجيش أنت اللي خدت بالك مني وكنت واقف معايا.
عدا ست شهور ست شهور مشوفتش فيهم حد من أهلي ست شهور محدش فيهم دور عليا ولا حتى سأل قفلت التليفون فترة ورجعت فتحته ملقتش رنة وأدينا لنحاول نتعايش مع الأمر.
شهر رمضان داخل علينا رمضان كريم.
الله أكرم يا عم عابد.
مش ناوي ترجع لأهلك
اتنهدت وخدت نفس طويلقلبي واجعني منهم ومن تجاهلهم ما أنكرش إنهم وحشوني بس خاېف خاېف يكسروني من تاني وأنا مازلت بحاول ألملم في چروحي.
موضوع إن الأهل كل همهم إن اولادهنا إحنا طلعنا ناجحين فأنتوا لازم تبقوا نسخة مننا إحنا جبناكم علشان نتباهى بيكم دا مرض لازم يتعالج منه كتير من الأهل المفروض يتقبلوا فكرة إن مفيش حد ناجح دايما ولا حتى حد فاشل دايما في حد بيقع مرة وعشرة ويقف على رجله في الاحداشر في حد بيبقى صعب الطباع ومع مساعدة ربنا ثم اللي ليه بيبقى أفضل.
المفروض هما اللي يدعموك يوقفوا جنبك يسندوك لما توقع يقفوا جنبك لما تميل عليك الدنيا لكن فكرة إن الموضوع يتقلب دا اللي بيبقى مش متوقع.
دي صلة رحم يا صالح ودول اهلك وواجب عليك إنك تكون بار بيهم.
ينفع نستنى للعيد طيب
براحتك يا ابني.
أنا قاعد خاېف متوتر في رهبة جوايا رفعت رأسي للسما وأنا من جوايا بدعي ربنا ييسر الأمور.
يلا يا صالح بسرعة علشان صلاة التراويح بسرعة يلا نلحق صلاة الجماعة.
عبدالله كان بينادي عليا من تحت وأنا بتوضى بسرعة لأول صلاة تراويح معاهم بكرا شهر رمضان شهر الخير والبركة عن جمال صلاة التراويح اللي ليها فضل كبير واللي بتساعد في تكفير الذنوب وجمع الأجر. وبتشجع على قراءة كتاب الله وتقوية العلاقة بالله. وكمان ده وقت خاص للتأمل والتركيز الروحي بيساهم في تقوية الإيمان والارتباط العميق بالله سبحانه وتعالى.
نزلت له كالعادة وكانوا واقفين مستنيني بس دلوقتي أنا اتاخرت قبل كدا كنت بستناهم علشان صلاة الجماعة وفضلها عملا بقوله ﷺ صلاة الجماعة تفضل صلاة الفذ بسبع وعشرين درجة ودا يظهر أن أجر وفضل الصلاة في الجماعة أكبر بكتير من صلاة الفرد.
وكمان في كل خطوة تمشيها إلى الصلاة صدقة يعني أنا لما بطلع من البيت وامشي لحد المسجد فأنا كل خطوة بمشيها بتبقى صدقة ودا يحفزنا ويشجعنا إننا نسعى للمساجد علشان نأخد الأجر.
طلعنا علشان نفرش الحصير قدام المسجد جو كله بهجة وسعادة وضحكات بتتوزع مننا لبعص ومننا للي رايح واللي جاي وصوت الزينة لما نسمات الهوا تخبط فيها فوقيها وكل راجل كبير يعدي يدعي لنا وطفل صغير يفرح ويهيص كل دا كفيل إنه يزرع جوا الروح بهجة وينسي القلب الغم اللي مغطيه.
الله أكبر.
التكبير بداية الصلاةبداية دخولك لرحلة بتبدأ تتكلم فيها مع ربنا تبدأ تحس بالخشوع وقلبك يدق تغمض عينيك وتحس إن كل الدوشة اللي حواليك سكتت وأنت بتقرأ ورا الشيخ اللي صوته حلو صوت كدا يخليك تبقى عايز ټعيط الآيات اللي بيقولها الشيخ وأنت بترددها وراه ترفع إيدك وتكبر وبعدين تركع بعدها تقف وتقول سمع الله لمن حمده وتكبر وتسجد تتكلم مع ربنا في السجود وتدعي باللي عايزه اللي نفسك فيه وقلبك رايده تتعدل وتقول ربي اغفر لي في كل مرة برددها قلبي بيتمناها ترجع تسجد تاني وتكمل كلام مع ربنا تقف و تبدأ في الركعة التانية إلى أن ينتهي الأمر.
صلينا العشاء وبعدها التراويح وختمنا بالشفع والوتر
خلصنا الصلاة وكإن الإنسان في كل مرة بيصلي فيها هو بيتشحن أنت بتروح لربنا صفر طاقة تخلص صلاة مليون في المية.
خلصنا وطلعنا لقينا عيال الحارة بيلعبوا بالسلك بتاع المواعين وهما مولعينه لقيت عبدالله بيشدني وكان معاه باقي شباب الحارة في جو كله بهجة ضحكنا وهزرنا كتير لحد ما جهه وقت السحور وروحنا إتسحرنا وقررنا نتحدى بعض مين هيختم القرآن قبل التاني.
أول مرة أختم القرآن في شهر رمضان أول مرة أحس بطعمه وأحس باللمة وحلاوة الشهر حلاوة لما تختم القرآن وتسبق أصحابك عزومات شهر رمضان حلوياته وأكلاته المميزة ساعة السحور وساعة الفطار جو كفيل إنه يصلح حاجات كتير جواك.
أنت ياض أنت وهو يلا قوموا ورانا تنضيف العيد.
الحاج عابد
