حواديت مريم و چون
حضرتك عايزه ليه
بصلي وابتسم بهدوء_هتعرفي بعدين
ولف مشي
أستغربت الصراحه والحقيقة كان عندي فضول كبير أعرف ليه بس مجاوبنيش!!
طبعا كتابة الرواية وقفت عشان اللاب توب باظ
روحت البيت وأخدت بالي أن الشقة اللي جنبي اتسكنت كان في عفش قدام الباب والباب مفتوح
دخلت البيت وخدت دش ولبست لبس بيتي وبدأت أعمل عشا واتفرجت علي المسلسل التركي بتاعي خلصت وروحت قعدت في البلكونة كنت ماسكة كتاب بقرأ فيه فجأة لقيت حد بيبسبسلي
بصيت لها پصدمة لقيتها ضحكت وحقيقي كانت ضحكتها سكر
_أنتم بقي جيراني الجداد
أتكلمت بحماس_أيوا أيوا
ضحكت عليها
لقيتها بتتكلم بحماس طفولي_ممكن نبقي أصحاب
كنت لسه هرد لكن قاطع كلامي دخول خالها
_لولو بتكلمي مين
دخل وأول ما شافني أتصدم بس أنا نقلت نظري للكتاب
بصيتلها تاني وابتسمت_أكيد طبعا
_أنا لولو وأنت
أبتسمت_مريم
صړخت فجأة_بقي عندي صحاب يا تيتااااااا
ودخلت بسرعة للشقة
ضحكت علي حركتها
عيني جت في عينه لقيته باصصلي ومبتسم
اتوترت_عن إذنك
دخلت وأنا قلبي بيدق جامد
ايه العبث ده! أكيد مش اللي في دماغي!!!!
تاني يوم صحيت بتعب
طلعت البلكونه عشان أحط ماية للورد وكنت بكلم مارينا في الفون
_ماشي عمتا أنا هتأخر شوية عشان هروح أصلح اللاب توب
يلهوي لو باظ هتعملي ايه في الرواية
_بعد الشړ يلهوي ده أنا ممكن أروح فيها أنا بقالي ٤شهور بكتب فيها!!!
قفلت معاها وجهزت عشان أنزل
وأنا نازله علي السلم قابلته!
صباح الخير
نزلت درجتين
_انسه مريم
لفيت وبصتله_نعم
_ممكن تديني اللاب بتاعك اصلحهولك مټخافيش أنا مبرمج وبعرف في الحاجات دي كويس
رديت بهدوء_لاء متشغل بالك أنا هتصرف
_معلش لو سمحتي أنت ساعدتيني مساعدة كبيرة ولازم أقل حاجه اعوضك
مش عارفه ليه اتوترت وخۏفت اديهوله_معلش هبقي مرتاحه أكتر لما اصلحه انا
روحت لشركة الخاصة بالتصليح وسيبته واتقالي تعالي بعد أسبوع
روحت علي شغلي واليوم مر عادي وروحت البيت بتعب!
كنت طالعه علي السلم لقيت ست كبيرة طالعة ماسكة كياس وجنبها لولو
جريت عليا حضنتني_مريوم اهي يا تيتة اللي حكيتلك عنها
أبتسمت للولو ولطنط اللي اتكلمت_تصدقي يا بت يا لولو طلعت جميلة زي ما قولتيلي
اتكسفت أوي ومعرفتش أرد
حقيقي حالة السكوت بتجيلي في أوقات!!
لقيتها شايلة كياس كتير اخدتهم منها بإصرار برغم من رفضها!
طلعنا وعطيتها الكياس وطبعا أصرت إني أدخل بس كنت برفض لغاية ما لقيت لولو بتحضني_عشان خاطري أدخلي العبي معايا أنا محدش بيلعب معايا خالص خالو بيرجع متأخر من الشغل وتيته علي طول في المطبخ
بصيتلها بحزن_طب بصي ايه رأيك تيجي تقعدي معايا نعمل فشار ونتفرج علي كرتون روبانزل بس طبعا لو تيته وافقت
صړخت بحماس_موافقه
جريت علي جدتها_وافقي عشان خطرييييييي
ضحكت بغلب_موافقه يا قردة أنت
اتغدينا سوا ولأول مرة من بعد ۏفاة اهلي حد يشاركني غدايا في البيت
عملنا فشار سوا واتصورنا برضو كتير واتفرجنا علي الكرتون
وفي نص الكرتون لقيتها نامت في حضڼي
كنت بصالها بابتسامة
الباب خبط بعدها عني براحه عشان متصحاش وروحت فتحت لقيت خالها
بصلي وبعدين بص ورايا وابتسم_نامت
بصيتلها وابتسمت_اتبسطت أوي
رجعت بصيتله لقيته باصصلي ومبتسم
اتوترت_احم هتدخل تاخدها
_طبعا مقدرش أنام وهي مش في حضڼي
دخل شالها براحه وخرج وقبل ما يروح شقته وقف وبصلي_شكرا أنك استحملتيها
ابتسمت_بتشكرني علي ايه أنا اتبسطت جدا معاها
دخل شقته وأنا دخلت شقتي ومش عارفة ليه كنت بضحك!
شكلي اتجنيت
تاني يوم مصحتش بدري عشان مكنتش عندي شغل بس للاسف صوت الجرس صحاني
صحيت بالعافية بصيت في الساعة لقيتها ١٠
قومت ظبطت نفسي وفتحت الباب لقيت لولو
_صباح الخير
أبتسمت_صباح النور
أتكلمت بحماس_تيته بتقولك تعالي أفطري معانا بلييييز
أبتسمت_شكرا يا لولو بس
مسكتني من ايدي_مفيش بس يلا يلا تعالي
بصيتلها
بتوتر
