حواديت مريم و چون
ولإيدها_مهو بصي مش مش هينفع
_في ايه
بصينا لمصدر الصوت لقيته!
أتكلمت بحماس طفولي_تيته قالتلي اروحلها واجيبها تفطر معانا
بصلها بعدين بصلي اتوترت_معلش بقي مرة تاني عشان نازلة
أبتسم وبعدين بصلها_خلاص يا لولو هي مش فاضية تعالي أفطر معاكي أنا!
بصتلي بزعل طفولي وبصتله بغضب_لاء مش هفطر معاك أمشي روح شغلك
كنت بضحك بصمت بصلي فجأة حاولت أكتم ضحكتي
_احم معلش لو هي بتزعجك كتير و
قاطعته_مش مضايقة صدقني بالعكس مبسوطة جدا بوجودها بدل ما أنا لوحدي كده
أبتسم وبعدين اتكلم_معلش بقي عن اذنك
أبتسمت_أتفضل
مر الأسبوع بروتين يومي مفيش تغير غير اني قربت من لولو وطنط شوية وبقينا نروح عند بعض واكتشفت أنه اسمه چون
كنت قاعدة بخلص شغل علي اللاب توب
اه مهو اتصلح الحمدلله
كنت بشتغل اون لاين وفجأة لقيت حد بيصوت
جريت فتحت باب الشقة ولقيت باب شقتهم مفتوح والصويت من جوا دخلت بسرعه وأتكلمت بخضه_في ايه
لقيت طنط حاضنه لولو جامد وكان في راجل كبير وشاب جنبه
طنط صرخت_الحقيني يا بنتي عايز ياخد البت بالعافية
_دول أهل أبوها!
أتكلم الراجل الكبير_انجزي يا سعاد وهاتي البت من غير شوشرة
قرب ومسك ايد لولو جامد فصړخت
مسكت ايده وشديتها بعنف_ايدك جنبك لتوحشك
بصلي من فوق لتحت_وأنت مين أنت كمان وبتدخلي ليه
سابني ولسه هيقرب منهم فوقفت قصاده_كلامك يبقي معايا أنا وبعدين جاي أنت والشملول ده
بصلي بغل_البت دي بت أخويا وهتتربي معانا!!! وملكيش دخل
زقني جامد لدرجة أن ضهري اتخبط جامد في ترابيزة
قرب الشاب من لولو وقعد يشدها جامد بطريقة قڈرة وطنط كانت بتصرخ
مكنتش عارفه أعمل وطبعا مكنتش هعرف أقف قصادهم لوحدي
ساب البنت جريت حضنت جدتها والشاب وقع علي الأرض والراجل الكبير أتصدم وبصلي بغل_ده أنت يومك أسود
قرب مني جامد ومسكني من شعري وشدني جامد لدرجة حسيت أن شعري اتقطع!
سابت طنط لولو وأتكلمت بسرعه_كلمي چون بسرعة يا لولو بسرعة
البنت جريت علي الاوضه بسرعه وطنط كانت بتحاول تبعده عني
بصينا لقيته چون وهنا بدأت عيوني تسود لغاية ما فقدت الوعي!!!
عند چون
كنت في الشركة بشتغل وفجأة لقيت راجل كبير ساكن في البيت بتاعنا بيرن عليا
_ألو
_أيوة يا چون يا ابني ألحق يا ابني في صوت صويت طالع من شقتكم
مش عارف إزاي في خلال ربع ساعة كنت هناك نظرا لبعد الشركة عن بيتي
كنت سايق بسرعة جدا
أول ما طلعت لقيت أخو جوز أختي الله يرحمهم كان ماسك مريم من شعرها
هنا زعقت پغضب شديد_ايه اللي بيحصل هنا
لقيت مريم بتبصلي وفجأة اغمي عليها
جريت مسكت ايده وشديتها پعنف من شعرها
وقعت علي الأرض أمي جريت عليها وأنا بصيتله پغضب
اتعصبت وضړبته في دماغه_ايه اللي أنت عملته ده أنت أتجننت
بصلي بغضب_أنا جاي باحترام أخد البت معايا بس هي اللي اتدخلت تستحمل
مسكته من هدومه جامد_وربنا لو ما مشيت دلوقتي لأكون منيمك في السچن يا روح ماما
كمل بصوت عالي جدا_أطلع برا مش عايز أشوف وشكم تاني
خرجو بسرعة وهما خايفين كنت متعصب جدا فوقت علي صوت أمي وهي بتحاول تفوق مريم
جريت عليها شلتها وحطيتها علي كنبة
دخلت بسرعة أوضتي أجيب برفان افوقها
بالفعل كانت بتفوق
عند مريم
بدأت أفتح عيني بتعب كان عندي صداع جامد ودماغي ۏجعاني أوي
فتحت عيني لقيت چون قدامي وطنط جنبه
كان باصصلي بقلق_أنت كويسة
غمضت عيني بتعب_دماغي ۏجعاني أوي
طنط قربت مني وطبطبت علي راسي
