هاديه
لا مفيش بس كنت مريح شويه
طمني عليك عامل ايه ..صحتك وشغلك
كله تمام يا امي متقلقيش انا بخير
بتاكل كويس ولا لا
اطمني انا بخير...المهم انتي واخواتي عاملين ايه
كلنا بخير مش ناقصنا غير شوفتك
قريب يا امي اول ما هاخد اجازه هنزلكم البلد
سلميلي ع كل اللي عندك ..
حاضر خلي بالك من نفسك
اليوم فات وبرضو متصلتش
حسيت بأحباط
غدا يوم و ٢ وبرضو متكلمتش
معرفش في ايه هي نسيتني ولا لسه الموضوع مظبطش مش عارف ..
اليوم الرابع لقيتها بتكلمني بعد العشا ساعه
حازم ازيك انا هاديه
اهلا هاديه اخبارك
انا كويسه وانت
الحمدلله تمام ..تمام اوي
صوتها زي ما يكون رد فيا الروح
حتى لو مشغول افضالك
طيب عاوزه اشوفك دلوقت
فين في المطعم
لا في كافيه هبعتلك اللوكيشن تجيلي عليه
بعد ساعه من دلوقت
وصلت في المعاد ..دخلت عيوني بتدور عليها في كل مكان
لمحتني رفعت أيدها وشاورتلي
سلمت عليها ..لمست ايدها خلتني قشعرت
فضلت باصص لها في عيونها وسرحت
وهي حست بخجل وانا لسه ماسك أيدها
سحبتها من بين صوابعي بلطف وقالت
اخبارك عامل ايه
قعدت انا بقول
احمممم ..انا كويس ..كويس جدا
وانتي
اممم يعني
مالك في حاجه ..وليه متقابلناش في المطعم بتاعك
تشرب ايه الاول
بصيت للمكان وانتبهت أن الكافيه شكله غالي جدا
قالت أنا اللي عازماك
لا طبعا ميصحش ..مش كل مره
يا سيدي متعملش تكليف
لا ابدا مش هينفع ..
طيب خلاص انا هشرب لمون
وانا كمان
ممكن تكلميني عنك شويه
انا معرفش عنك حاجه تقريبا
حابب تعرف ايه
كل حاجه
كل حاجه !!
لا مش قصدي ..بصي اه كل حاجه بقى
ابتسمت وقالت
..بداية حياتي كانت في اسرة متوسطة ..بابا موظف حكومي امي ست بيت ..عشنا حياة كويسه اهلي عملوا كل اللي يقدروا عليه عشاني انا واخواتي ..
احنا بنتين وولد اخويا الكبير اشتغل مهندس
وهو حاليا مهاجر استراليا متجوز ومستقر هناك
واختي الأصغر مني متجوزه وعايشه في اسكندريه
للأسف بابا توفى وانا في اخر سنه في الجامعه
وامي ماټت من سنتين
الله يرحمهم ..انا اسف
وفجأة دموعها نزلت ..
معلش والله مش قصدي حقك عليا
انت مش متخيل يا حازم فراقهم اثر فيا ازاي
انا بقيت وحيده وكارهه الدنيا
ليه هو انتي مفيش حد في حياتك ..أقصد يعني مرتبطيش قبل كدا
لا طبعا أنا اتجوزت
حسيت پصدمه ساعتها وبصيت على ايديها
ابتسمت ابتسامه باهته وقالت
بس جوازي مستمرش كتير ..جوزي توفى بعد سنتين ونص
ومحصلش حمل
البقاء لله
زمانك بتقول عليا وش فقر مش كدا
لا ابدا معاذ الله ..
دا حصل امتى يعني من ٣ سنين تقريبا
وبعدها
بعدها بسنة ابن عمه وصاحبه وشريكه في الشركة قرب مني ولف عليا واستغل حزني ووحدتي وعرف يخدعني واتجوزته
يخدعك ليه ايه اللي حصل
بعد اول يوم جواز لينا ويا دوب دخلت شقتي
اللي ورثتها عن جوزي و ...
معلش هو انتي ليه اتجوزتي في شقتك مش شقته هو
اه انا اتجوزت فيها من خيبتي
عشان هو قالي أنه بيجهز في فيلا نعيش فيها سوا
بس لسه قدامها شوية وقت على متخلص
ويادوب دخلنا اوضة النوم
قرب مني وقالي اخيرا بقيتي بتاعتي وبعدها عمل معايا
حاجه صدمتني فيه
ليه عمل ايه
شاف صورة المرحوم زوجي متعلقه فوق السرير
اټجنن وزعق وفضل يقول
هي الصورة دي بتعمل ايه هنا
ماهو بصراحه عنده حق
انا معاك ودي غلطتي اني نسيت اشيلها
بس مهما أن كان دا راجل مټوفي
هيغير منه ليه
هو هيغير عليكي عشان بيحبك
بيحبني !! يمكن ..الهم أنه ساعتها مسك الصوره وكسر البرواز
ورماها بره الاوضة وقالي انا عمري متوقعت انك تعملي كدا
اعمل ايه ..دا صاحب البيت اصلا
وكمان كان صاحب
