بنتي نور بتممۏت مني خاېف يكون قراري سبب في اذيتها عشان يقطع تفكيري رسالة منه
متفكرش كتير حياة بنتك قصاد التقارير الي معاك
اټفزعت اول ما شوفت الرسالة دا زي ما يكون معايا في الأوضة رفعت عيني لقيت خيال عدي من قدام باب الاوضة وقف بصلي لمدة ثواني بصة مرعبة و اختفي قومت وقفت وانا مذهول مش مصدق الي شوفته
جسمي بيترعش عمال ابص على بنتي الي شكلها بقي شبه الهيكل العظمي في يوم وليلة انا متأكد ان الي فيها دا سحر في نفس الوقت خاېف اخرج بره الاوضة مش عارف ايه الي مستنيني بره لقيت نفسي بدون تفكير مسكت الموبايل وبعتله
التقارير معايا تحب تستلمها ازاي
عشان يرد عليا بحاجة غريبة!
طلب مني اجيب مجموعة من الشموع ارصهم على الأرض بشكل معين هو وضحه بصورة من ورقة كتاب بعتهالي قالي يترصوا بنفس الشكل داه واقعد في وسط الشموع ديه وانا قدامي طبق فيه قطرات ډم ډم من نور بنتي!!
واجيب بخور احطه علي الد م دا و امسك المصحف في إيدي الشمال وانا بقرأ آيات معينة هو بعتهالي بس هقرأها بالعكس !! وبعد كده امسك شمعة من الشموع ديه احړق بيها التقارير قالي ان بعدها نور بنتي هتفوق وهتبقي طبيعية و احسن من الأول
بصيت للكلام والتفاصيل الي انا المفروض اعملها وحسيت پخوف وقبضة في قلبي مش عارف ازاي انا ممكن اعمل الكلام دا رجعت بصيت لنور الي كل دقيقة بتعدي عليها بحس ان وشها وملامحها بتبهت انا حاسس اني لو ملحقتهاش دلوقتي قبل كمان شوية هتم مۏت انا هنفذ الي طلبه مني وهاخد البنت وههرب من البلد خالص دا الي قولته لنفسي
جبت الشموع رصيتها بنفس الطريقة الي في الصورة جبت سرنجة وسحبت من البنت شوية ډم الغريب انها مكانتش حاسة ب أي حاجة رغم أنها بتترعب من الحقن وشيفاني وانا بسحب منها الډم لكن مكانش ليها اي رد فعل حتي مفيش حاجة بتوحي انها خاېفة أخدت الډم فرغته في الطبق وحطيت علي البخور مسكت المصحف بي إيدي الشمال زي ماهو قالي بدأت اتلو الأيات الي قالي عليها بالعكس
مجرد ما بدأت في الطقوس ديه لقيت دخان البخور بيتصاعد بشكل غريب كأن فيه حريقة في المكان والدم الي في الطبق كان بيغلي كأنه محطوط على البوتجاز انا كنت مړعوپ بس خلاص انا حطيت رجلي لازم اكمل مش عارف ليه حسيت بندم حسيت ان الي بعمله دا غلط فجأة سمعت صوت فحيح افعي الصوت قريب من ودني لفيت رقبتي بصيت ورايا لقيت افعي سودة ضخمة جدا واقفة بتبصلي وبتطلع لسانها المرعب
الافعي جسمها كان بره اطار الشموع المرصوصة لكن كانت واقفة ومقربة دماغها في وشي زي مايكون ټهديد اني لازم اكمل او هتقضي عليا
بالفعل بصيت تاني في المصحف وانا بكمل تلاوة للأيات بطريقة معكسوسة الدخان بيتصاعد بطريقة اكبر والافعي عماله تلف حوالين الشموع وهي عمالة تبصلي بطريقة مرعبة حاسس دلوقتي ان فيه حاجة بتمشي ف جسمي جسمي بيتنفض لقيت سائل ريحته كريهة جدا بيخرج من بوقي مش عارف ايه دا عمال يخرج بكمية كبيرة المكان غرق حواليا بس انا بكمل تلاوة مش قادر ابطل انا بكفر بالله!!
