دا الي قولته لنفسي وانا بسمع اذان الفجر بيقول الله اكبر مجرد ما المؤذن قالها لقيت الدخان بيهمد وغلياان الډم
اختفي وحتي الافعي اختفت عشان الاقي نفسي بنهار من العياط مش عارف ليه بس كنت ببكي بحړقة شديدة انا ايه الي بعمله داه جريت على الحمام استحميت من السائل الغريب الي كان مغرقني اتوضيت وحطيت سجادة الصلاة في اتجاه القبلة وقبل ما اقول الله اكبر لقيت ال ٣ في وشي !
ال ٣ اشخاص بنفس المواصفات الي في التقارير وائل الصيرفي و زين و احمد ضياء انا متأكد انهم هما نفس التفاصيل المرعبة الي مكتوبة عنهم في التقرير الي بتوصف شكلهم وحالتهم بيقربوا مني بخطوات بطيئة وقفت متثبت مكاني رجلي بتخبط في بعض مش عارف اجري ولا اعمل ايه وقفت في اتجاه القبلة وقولت الله اكبر وبدأت الصلاة عشان يختفوا من بعدها تماما لقيت نور بنتي جاية تجري عليا بتحضني بعد ما خلصت الصلاة نور بتتكلم و رجعت طبيعية خدتها في حضڼي وانا بعيط وبستغفر ربنا الي نسيت ان هو الوحيد الي قادر يخرجني وينقذني من اي شړ
خدت التقارير الي معايا و أتوجهت بيهم علي المخابرات العامه هي الجهة الي كانت طالبة التحاليل ديه وهي الي ماسكة القضية اعترفت بكل حاجة وسلمت التقارير قولت حاجة حصلت بالتفصيل من اول ما عاصم الدجال كلمني لحد الي حصلي في البيت اتقبض عليا واتحفظوا على موبايلي عشان يفحصوه الغريب ان الشات الي بيني وبين الدجال مش موجود اتمسح يعني مفيش دليل على كلامي
انا عرفت ان القضية ديه كبيرة ومتورط فيها دول اجنبية اتحكم عليا بالسجن ٣ سنين بس طول فترة وجودي حاسس اني دايما عاوز اصلي عاوز اذكر ربنا
الأشخاص ديه فعلا كانت نتيجة تجارب سرية قامت بيها دول أجنبية لتطوير قدرات خارقة عند البشر التجارب ديه مشارك فيها السحر والجن لكن كل التجارب فشلت وأدت لظهور أمراض وتشوهات مرعبة الغريب إن التحاليل الي جمعتها المخابرات كشفت إن وائل الصيرفي زين وأحمد ضياء مش بس ضحاېا للتجارب دول كانوا جزء من فريق العلماء اللي بيشتغلوا على المشروع ده وقرروا يستخدموا نفسهم كعينات بعد ما فشلوا في إيجاد متطوعين
لكن الأغرب من كده إن المخابرات اكتشفت إن المشروع ده كان مدعوم من جهة غامضة مش دول بعينها لكن منظمة سرية بتطلق على نفسها "العين التي لا تنام" المنظمة دي بتؤمن إن الإنسانية لازم تتجاوز حدود الطبيعة حتى لو على حساب حياتها وبتنشر جنودها في كل دول العالم
وأثناء وجودي في الحبس وصلتني ورقة صغيرة بطريقة مجهولة فتحتها وأنا مړعوپ مكتوب فيها جملة واحدة
"لقد نجحت في الهرب لكن العين لن تتركك "
من يومها وأنا كل ليلة بحلم بنفس الثلاثة أشخاص بيقربوا مني وبيبصوا لي بعيونهم الفارغة وكأنهم بيحذروني حتى بنتي "نور" كل ما أفتكر إنها بخير بحس إن فيه حاجة غريبة في تصرفاتها لما بتزورني في السچن زي ما تكون مش هي نور اللي كنت أعرفها
الموضوع مكانش مجرد تقارير الموضوع كان أكبر من كده أنا عرفت سر ماكانش المفروض إن حد يعرفه سر المنظمة دي سر التحالف اللي بين العلم والسحر
وفي يوم وأنا في زنزانتي انقطعت الكهرباء عن السچن بالكامل سمعت خطوات تقيلة قربت من الباب وصوت مألوف قال بهدوء
"حياتك خلصت لما قلت الله أكبر لكن لسه روحك ملكنا "
