فرصة تانية
حيرتي مسكت الملف بعصبيه وطلعت روحت لمكتب شادي بعصبيه وخبطت ودخلت بعد ما سمح لي
هو أيه التهريج ده يا شادي!!
بص لي بستغراب وقال
في أيه!!
في أني مش هعرف أشتغل مع تميم
بس أنا قولت لك أنك هتبدائي شغل مع الشريك التاني
بس مكنتش أعرف أن هو الشريك
بص لي وفضل يحرك القلم ما بين صوابع أيديه وقال
بس أحنا قسمنا الأقسام علينا ومش هينفع نرجع في القرارات اللي زي دي
فضل يبص لي ثواني وبعدين قال
خلاص يا هند روحي أنت شوفي شغلك وأنا هتصرف
هزيت راسي ومشيت من قدامه طلعت من المكتب كان تميم واقف علي باب مكتبه والغريب أن لأول مره أشوف تميم بيشرب سجاير.
خبط جامد وفتح الباب ورزعه وقال
كانت عايزه أيه
بخضه حط أيديه علي قلبه وقال
يا ساتر يا عم مش كده حرام عليك
خلاص يا سيدي خلاص كانت عايزاني في حاجه شخصيه
رفع حاجبه وقال
نعم يا أخويا
ضحك وقال
يا عم روق كده متبقاش قفل ليها حق تخلع منك
پغضب مكتوم قال
شادي
اتنهد وقال
ابدا يا سيدي عايزاني أعيد معاك الأقسام وأخدها معاي عشان مش حابه تشتغل معاك
سكت وفضل ثواني يبص له وبعدين قال
وقولت لها أيه!!
فضلت أقولها مش هينفع بس بعدين قولت هتصرف
ياريت تقولها تفصل ما بين الشغل والحياه الشخصيه
هز راسه وسكت طلع من المكتب وراح ناحية مكتبه فضل قاعد جوه مكتبه والخنقه محتله جسمه.
فضلت قاعده برسم الطلبات لحد ما اليوم خلص.
بعصبيه فتح الباب وقال
هو أنت كل ده بترسمي في شوية طلبات!!
بصيت ناحية الصوت وقولت
أفندم!!
رزع الباب وقال
لو مش قد الشغل ده تقدري تقولي وأعين حد تاني بدالك أحنا جايين نشتغل مش نلعب
والله أنا بعمل اللي علي وعشان أنا عندي ضمير فا مش برسم أي حاجه كده وخلاص
هو أنت بتردي علي!!
ابتسمت بهدوء وقولت
لاء أبدا بس بشرحلك
لاء مهو المفروض لو أخدتي بالك وواحده متعلمه زيك بتعرف تقرأ وتكتب تعرف أن المفروض تسلمي الشغل ده من نص ساعه
بصيت علي الملف وعيوني نزلت علي الوقت للحظه حسيت بأحراج شديد.
تمام دقايق وهكون خلصت
هز راسه وطلع ورزع الباب فضلت أرسم لدرجة أن ضهري حرفيا كان تاعبني وقد أيه تعبت في الرسومات.
خدت الكراسه وطلعت وأنا مبسوطه بالرسم روحت ناحية المكتب خبطت عليه وبعدين دخلت بعد ما أذن لي بالدخول.
دخلت ولقيت البنت المايصه مايله عليه وهو مندمج في الملفات وبيمضي وهي مستغله ده وعماله تقرب.
خلصتي!!
آه خلصت بس الواضح مش كله هنا جاي يشتغل برضو في ناس هنا جايه تلعب
بصت لي بقرف رفعت لها حاجبي وخدت الملفات وجت تمشي.
قطعت طريقها قبل ما تفتح الباب وقربت منها وهمست لها وقولت
أظن أنت عارفه كويس أحنا كبنات بنقول أيه علي واحده بتحاول تقرب من راجل متجوز
بصيت لي من فوق لتحت وفتحت الباب وطلعت ابتسمت وقربت من مكتبه وحطيت له كراسة الرسم قدامه
خلصت الطلبات
بص لي وبعدين فضل مندمج في الملفات اللي في أيديه رفعت حاجبي وكنت همشي وقال
أستني
رجعت مكاني وبص لي وقال
أنا سمحت لك تمشي!!
شكلك مشغول وكمان شغلي خلص المفروض أمشي
قفل الملف اللي في أيديه وحطه علي كومة ملفات تانيه وقال
لا للأسف
